2023-05-05 14:33:36, 947 ნახვა
პოლიტიკა
გომელაური - ძალიან კარგი განცხადებები გააკეთა პრემიერმა - ჩვენთან უმცირესობაც და უმრავლესობაც დაცულია
შინაგან საქმეთა მინისტრი ვახტანგ გომელაური ბუდაპეშტში, კონსერვატიული პოლიტიკური მოქმედების ყოველწლიურ კონფერენციაში პრემიერ-მინისტრ ირაკლი ღარიბაშვილის გამოსვლას იწონებს.
როგორც გომელაურმა მედიის წარმომადგენლებთან საუბრისას აღნიშნა, მთავრობის მეთაურმა "ძალიან კარგი განცხადებები" გააკეთა.
"ძალიან კარგი განცხადებები გააკეთა ბატონმა პრემიერმა, ჩვენს ქვეყანაში ყველა დაცულია - უმცირესობაც, უმრავლესობაც და ყველა. იცით ძალიან კარგად და ახლა ნუ გამომეკიდებით",- უთხრა შს მინისტრმა ჟურნალისტებს.
შეგახსენებთ, გუშინ, 4 მაისს საქართველოს პრემიერ-მინისტრმა, ირაკლი ღარიბაშვილმა ბუდაპეშტში, კონსერვატიული პოლიტიკური მოქმედების ყოველწლიურ კონფერენციას (CPAC) სიტყვით მიმართა.
ავტორი: ექსპრესნიუსი,
epn.ge (@expressnews.ge)
