თბილისის საქალაქო სასამართლომ „პუბლიკას“ დირექტორი, ზურა ვარდიაშვილი სამართალდამრღვევად ცნო და 2 200 ლარით დააჯარიმა. აღნიშნულის შესახებ ინფორმაციას გამოცემა „პუბლიკა“ ავრცელებს.

როგორც გამოცემა წერს, ჟურნალისტისთვის შედგენილ ოქმში წერია, რომ „ვარდიაშვილი ხმამაღლა იგინებოდა, იყენებდა უწმაწურ სიტყვებს, არ ემორჩილებოდა პოლიციის არაერთგზის კანონიერ მოთხოვნას, რომ გაეთავისუფლებინა გზა“.

„პუბლიკას“ ცნობითვე, ვარდიაშვილი ბრალდებას არ აღიარებს და ამბობს, რომ ოქმში მოყვანილი არცერთი გარემოება, ასევე, საქმის განხილვაზე შსს-ს წარმომადგენლების მიერ გაკეთებული განცხადებები სიმართლეს არ შეესაბამებოდა. 

შეგახსენებთ, რომ ზურა ვარდიაშვილი 2 მარტს პარლამენტთან „უცხოური აგენტების“ კანონპროექტის საწინააღმდეგო აქციაზე დააკავეს. გამოძიება მას წვრილმან ხულიგნობას ედავებოდა.

ავტორი: ექსპრესნიუსი,

სოციალური ქსელები

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა

ნიკა გვარამია: ჩვენ სრული გეოპოლიტიკური კატასტროფის წინაშე ვდგავართ

არაღჩი: თეირანი გააგრძელებს მონაწილეობას პაკისტანის მიერ წარმოებულ მედიაციის ძალისხმევაში