ორი პირი, რომელიც აცხადებს, რომ "ვაგნერის" ყოფილი მეთაურები არიან, აღიარებს, რომ უკრაინაში მშვიდობიან მოქალაქეებს, მათ შორის ბავშვებს ხოცავდნენ. CNN-ის ცნობით, ამის შესახებ მათ უფლებადამცველი ორგანიზაციის - Gulagu.net-ის წარმომადგენლებთან ისაუბრეს.

ორგანიზაცია, რომელიც რუსეთში კორუფციასა და წამების საქმეებზე მუშაობს, უთითებს, რომ აღნიშნული ორი პირი - აზამატ ულდაროვი და ალექსეი სავიჩევი არიან ყოფილი რუსი მსჯავრდებულები, რომლებიც პრეზიდენტ ვლადიმერ პუტინის ბრძანების საფუძველზე, გასულ წელს შეიწყალეს.

ულდაროვი ორგანიზაციას უყვება, როგორ ესროლა 5 ან 6 წლის გოგონას და მოკლა. 

"[ეს იყო] მენეჯმენტის გადაწყვეტილება. მე არ მქონდა უფლება, ვინმე ცოცხალი დამეტოვებინა. მინდა, რუსეთმა და სხვა ქვეყნებმა იცოდნენ სიმართლე. მე არ მინდა ომი და სისხლისღვრა. ახლა ხელში სიგარეტი მიჭირავს, ამ ხელით მე ვასრულებდი ბრძანებებს და ვკლავდი ბავშვებს", - განაცხადა ულდაროვმა. 

მისივე თქმით, აღმოსავლეთ უკრაინის ქალაქებში - სოლედარსა და ბახმუტში, სადაც ყველაზე სასტიკი ბრძოლები მიმდინარეობდა, "ვაგნერის" დაქირავებულებს ჰქონდათ ბრძანება, რომ ყველა გაენადგურებინათ.

ულდაროვი ამბობს, რომ ბრძანებებს რუსი ოლიგარქისგან, ევგენი პრიგოჟინისგან იღებდნენ. 

"ყველა მეთაურზე მაღლა ერთი დგას - პრიგოჟინი, რომელმაც გვითხრა, რომ არავინ გაგვეშვა და ყველა გაგვენადგურებინა", - აღნიშნა ულდაროვმა. 

როგორც CNN წერს, ინტერვიუს ერთ მომენტში სავიჩევმა აღწერა, თუ როგორ „მიიღეს ბრძანება, სიკვდილით დაესაჯათ 15 წელზე უფროსი ასაკის ყველა მამაკაცი". მისივე თქმით, ასევე ჰქონდათ ბრძანება "სახლის "გაწმენდის" შესახებ.

„არ ჰქონდა მნიშვნელობა, იქ მშვიდობიანი მოქალაქე იქნებოდა თუ არა. სახლი უნდა გაწმენდილიყო", - განაცხადა სავიჩევმა.

CNN-ი წერს, რომ ვიდეოკადრებში გამოჩენილ პირთა ვინაობა და მოყოლილი ისტორიები დამოუკიდებლად  ვერ დაადასტურეს, თუმცა იპოვეს შეწყალების ბრძანებები, რომლებიც გასული წლის  სექტემბერ-აგვისტოთი თარიღდება.

ავტორი: ექსპრესნიუსი,

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა