2023-03-31 09:04:07, 1405 ნახვა
ომი უკრაინაში
რუსმა ოკუპანტებმა ხარკოვი S-300 ტიპის რაკეტებით დაბომბეს
რუსულმა ძალებმა ხარკოვის სამოქალაქო ინფრასტრუქტურა და კერძო სახლები S-300 ტიპის რაკეტებით დაბომბეს. აღნიშნულ ინფორმაციას უკრაინული მედია ავრცელებს.
მედიის ცნობით, ოკუპანტებმა ხარკოვს ბელგოროდის ოლქის ტერიტორიიდან დაარტყეს.
„რუსეთის საოკუპაციო ჯარებმა კვლავ დაბომბეს ჩვენი ქალაქი. დაბომბვა განხორციელდა ნოვობავარსკის რაიონში",- განაცხადა ხარკოვის საოლქო პროკურატურის სპიკერმა, დიმიტრი ჩუბენკომ.
ჩუბენკოს თქმით, ინფრასტრუქტურულ ობიექტებსა და კერძო სახლებს სულ მცირე ექვსი S-300 ტიპის რაკეტა მოხვდა.
დაღუპულების და დაშავებულების შესახებ ინფორმაცია ჯერჯერობით არ გავრცელებულა.
ავტორი: ექსპრესნიუსი,
epn.ge (@expressnews.ge)
