დნიპრო 9 წელზე მეტია, ჩვენი ციხესიმაგრეა,- ამის შესახებ უკრაინის პრეზიდენტმა, ვოლოდიმირ ზელენსკიმ ტრადიციულ ვიდეომიმართვაში განაცხადა.

სახელმწიფოს მეთაურის თქმით, დნიპროში, რომელიც სტრატეგიული ქალაქია, პირველი გასვლითი ღონისძიება - შტაბის შეხვედრა გამართა და მეთაურებისგან ყველაზე ცხელ წერტილებში არსებული ვითარების შესახებ ინფორმაცია მოისმინა.

„განვიხილეთ ფრონტისპირა რაიონებში ზოგადი სიტუაცია, ფრონტის მთელ ხაზზე - ხერსონიდან ხარკოვამდე ჩვენი საზღვრების გამაგრება და დაცვა. ყველა მეთაურს ესმის, რომ მტერმა პასუხი უნდა აგოს ჩვენს ქალაქებსა და სოფლებზე, ჩვენს ხალხზე თითოეული დარტყმისთვის, უკრაინელების მთელი ტკივილისთვის - არა მხოლოდ ფართომასშტაბიანი ომის მიმდინარეობისას, არამედ 2014 წლიდან მოყოლებული. დნიპრო უკვე ცხრა წელზე მეტია, ჩვენი ციხესიმაგრეა, მთელი ეს პერიოდი მხარს უჭერს ფრონტსა და მებრძოლებს. სწორედ აქ, დნიპროში ჯერ კიდევ 2014 წლიდან ჩვენს ათასობით მეომარს გადაურჩინეს ჯანმრთელობა მიღებული ჭრილობების შემდეგ. დნიპროში ხდებოდა მოხალისეების მუშაობის კონცენტრირება აგრესიის პირველივე დღიდან", - განაცხადა ვოლოდიმირ ზელენსკიმ და უკრაინის დამცველებს მადლობა კიდევ ერთხელ გადაუხადა.

ავტორი: ექსპრესნიუსი,

სოციალური ქსელები

კობახიძე: ნანუკა ჟორჟოლიანის წინ წამოწევაც ოპოზიციის უმძიმეს მდგომარეობაზე მეტყველებს

კობახიძე: ჩავკეტეთ შანტაჟის ყველა გზა, დარჩა თეორიული ინსტრუმენტი - ვიზალიბერალიზაცია

„ტოიოტა ცენტრი თეგეტამ“ Toyota Ichiban-ის ჯილდო უკვე მეორედ მოიპოვა

RFE/RL: ბრიუსელში წყარო უნაყოფოდ აფასებს ვიზების საკითხზე საქართველოსთან დიალოგს