2023-03-21 11:23:35, 1039 ნახვა
სამართალი
სააპელაციო სასამართლომ დავით კეზერაშვილის საქმეზე პირველი ინსტანციის გადაწყვეტილება ძალაში დატოვა
თბილისის სააპელაციო სასამართლომ ტელეკომპანია "ფორმულას" დამფუძნებლისა და თავდაცვის ყოფილი მინისტრის, დავით კეზერაშვილის საქმეზე პირველი ინსტანციის მიერ გამოტანილი გადაწყვეტილება ძალაში დატოვა. გადაწყვეტილება მეორე ინსტანციაში ცოტა ხნის წინ გამოცხადდა.
სასამართლოს გადაწყვეტილებით, კეზერაშვილს თავდაცვის სამინისტროსთვის ზიანის ანაზღაურებისთვის 5 060 000 ევროს, ხოლო სახელმწიფო ბიუჯეტისთვის 3 000 ლარის ოდენობით ბაჟის გადახდა დაეკისრა.
რაც შეეხება კიდევ ერთი ბრალდებულს, ალექსანდრე ნინუას, მეორე ინსტანციამ მის მიმართ თავდაცვის სამინისტროს სარჩელი არ დააკმაყოფილა. თავდაცვის უწყებამ ნინუას 5 000 ლარი უნდა გადაუხადოს.
ავტორი: ექსპრესნიუსი,
epn.ge (@expressnews.ge)
