|
2023-03-03 12:51:35, 690 ნახვა
პოლიტიკა
ხაჭაპურიძე - სააკაშვილმა და მისმა ოჯახმა უნდა გადაწყვიტონ გაასაჩივრებენ თუ არა საქმეს სტრასბურგში
ახლა თავად მიხეილ სააკაშვილმა და მისი ოჯახის წევრებმა უნდა მიიღონ გადაწყვეტილება ეს საქმე გაიგზავნება თუ არა სტრასბურგის სასამართლოში,- ამის შესახებ საქართველოს მესამე პრეზიდენტის უფლებადამცველმა, შალვა ხაჭაპურიძემ განაცხადა. მისი თქმით, არსებობს მეორე ვარიანტიც, რომ ექსპერტიზა თავიდან ჩატარდეს. "საქართველოში ეს დავა ამოიწურა. აპელაციის იქით ეს საქმე აღარ საჩივრდება. აწი თავად მიხეილ სააკაშვილმა და მისი ოჯახის წევრებმა უნდა მიიღონ გადაწყვეტილება ეს საქმე გაიგზავნება თუ არა სტრასბურგის სასამართლოში. თუ მიიღებენ ასეთ გადაწყვეტილებას, გაიგზავნება. არსებობს კიდევ ერთი ვარიანტი - შეიძლება, რომ თავიდან ჩატარდეს ექსპერტიზა, ამაში შეზღუდული არ ვართ. ხვალვე შეიძლება დაიწყოს ეს ექსპერტიზა და თავიდან მივმართოთ საქართველოს სასამართლოებს. რამდენად ამას აზრი აქვს, ჩემი აზრით, ამ ეტაპზე არარეალურია იმიტომ, რომ საქართველოს სასამართლოებმა, სამწუხაროდ, ამ გამოცდას ვერ გაუძლეს და ფაქტიურად მიიღეს ის პოლიტიკური გადაწყვეტილებები, რა პოლიტიკურ დავალებებსაც მათ მმართველი პოლიტიკური ძალა აძლევდა",- განაცხადა ხაჭაპურიძემ. ცნობისთვის, თბილისის სააპელაციო სასამართლომ მიხეილ სააკაშვილის გათავისუფლების ან სასჯელის გადავადების შუამდგომლობა არ დააკმაყოფილა. შალვა ხაჭაპურიძის თქმით, მეორე ინსტანციამ თბილისის საქალაქო სასამართლოს გადაწყვეტილება ძალაში ისე დატოვა, რომ პროცესებიც კი არ ჩაუტარებია. შეგახსენებთ, რომ თბილისის საქალაქო სასამართლომ მიხეილ სააკაშვილს გათავისუფლების ან სასჯელის გადავადების შუამდგომლობაზე უარი 6 თებერვალს უთხრა. გადაწყვეტილება მოსამართლე გიორგი არევაძემ მიიღო.
საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა
პირმა წარსულში არსებული დავის ნიადაგზე 2 კაცი მოკლა
ახმეტაში, შვილის გადარჩენის მცდელობისას მამაკაცი ტბაში დაიხრჩო
ბრიტანეთმა რუსული „ჩრდილოვანი ფლოტის“ ტანკერი დააკავა
|
რედაქტორის რჩევით
დაკარგული შანსი საქართველოსთვის - უკრაინამ და მოლდოვამ ევროკავშირში გაწევრიანების პირველი კლასტერი გახსნეს
რატომ ასამარებს ივანიშვილის რეჟიმი საქართველოს განათლების მყიფე რეპუტაციას, ბარიერები უცხოელი სტუდენტებისთვის
ომი უკრაინაში
ISW: რუსეთში უკრაინის წინააღმდეგ საბრძოლველად მსურველთა რიცხვი ერთ წელიწადში 20%-ით შემცირდა
უკრაინაში რუსული არმია დღეში 300 ადამიანს კარგავს
ვიდეო/LIVE პატრიარქის ილია მეორის დაკრძალვა - პირდაპირი
ივანიშვილის პარლამენტში თავისუფალი და კრიტიკული მედიის და ჟურნალისტების აკრედიტაცია შეუძლებელი ხდება
დღის თემა
დაკარგული შანსი საქართველოსთვის - უკრაინამ და მოლდოვამ ევროკავშირში გაწევრიანების პირველი კლასტერი გახსნეს
მთავარი თემა
|


ავტორი: ექსპრესნიუსი,



epn.ge (@expressnews.ge)