თურქეთში ორი დამანგრეველი მიწისძვრის შედეგად დაღუპულთა რიცხვი 44 374-მდე გაიზარდა. როგორც თურქული მედია ქვეყნის კატასტროფებისა და საგანგებო სიტუაციების მართვის სამსახურზე (AFAD) დაყრდნობით წერს, სტიქიური უბედურებიდან 21 დღის შემდეგ, თურქეთის ტერიტორიაზე კიდევ რამდენიმე ძლიერი მიწისძვრა და 9 990 მომყოლი ბიძგი დაფიქსირდა.

AFAD-ის პრეზიდენტის, იუნუს სეზერის განცხადებით, ამ დროისთვის, 21 000 შენობა-ნაგებობაში სამძებრო-სამაშველო სამუშაოები დასრულებულია და ნანგრევებისგან გაწმენდითი ღონისძიებები მიმდინარეობს. 

"საძიებო-სამაშველო სამუშაოები დასრულებულია თითქმის 21 000 შენობაში. ამ დროისთვის, ჩვენ მთლიანად ორიენტირებული ვართ ნანგრევების გატანაზე. ყველა ნაბიჯი გადაიდგმება ცხოვრების რაც შეიძლება მალე ნორმალიზებისთვის. ღვთის წყალობას ვუსურვებ და სამძიმარს ვუცხადებ ჩვენს ერს", - განაცხადა იუნუს სეზერმა.

მისი ინფორმაციით, კეთილმოწყობის სამუშაოების ფარგლებში, კარვების, კონტეინერებისა და მუდმივი საცხოვრებელი სახლების მშენებლობასთან დაკავშირებით, ინტენსიური მუშაობა მიმდინარეობს.

მიწისძვრის რეგიონში ამჟამად 287 კარვების ქალაქია. სტიქიის შედეგად დაზარალებული 1.5 მილიონზე მეტი ადამიანი კარვებში, საკონტეინერო ქალაქებში ან საოჯახო სასტუმროებში ცხოვრობს, 563 000 მოქალაქე კი, სტიქიის ზონის გარეთ არის ევაკუირებული. 

შეგახსენებთ, დამანგრეველი - 7.8 მაგნიტუდის სიმძლავრის მიწისძვრა თურქეთის სამხრეთ-აღმოსავლეთ ნაწილში, სირიის საზღვართან ახლოს 6 თებერვალს მოხდა. აშშ-ის გეოლოგიური სამსახურის ცნობით, მიწისძვრა ადგილობრივი დროით 04:17 საათზე 17,9 კმ სიღრმეზე, ქალაქ გაზიანტეპთან დაფიქსირდა.

მოგვიანებით, ადგილობრივი დროით 13:24 საათზე თურქეთში კიდევ ერთი 7.8 მაგნიტუდის სიმძლავრის მიწისძვრა მოხდა. მიწისქვეშა ბიძგების ეპიცენტრი ამჯერად ქვეყნის ცენტრალურ ნაწილში იყო.

ავტორი: ექსპრესნიუსი,

სოციალური ქსელები

საქართველოს ბანკისა და სულაკაურის შეთავაზება მოსწავლეებისა და სტუდენტებისთვის

ალიანსი: 4 ოქტომბრის საქმეზე დაკავებულები არიან პოლიტიკური პატიმრები

ლელო: სპეცრაზმელების დაკავება არის ოცნების მორიგი ფარსი და თავის გადარჩენის მცდელობა

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო