დამანგრეველი მიწისძვრიდან თითქმის ორი კვირის შემდეგ, თურქეთში სამაშველო სამუშაოები სრულდება. ამის შესახებ თურქეთის კატასტროფებისა და საგანგებო სიტუაციების მართვის სამსახურის (AFAD) ხელმძღვანელმა, იუნუს სეზერმა განაცხადა. 

მისი თქმით, ძირითადი სამძებრო-სამაშველო სამუშაოები დღეს ღამით დასრულდება. ისლამური ტრადიციის თანახმად, მიცვალებული რაც შეიძლება სწრაფად უნდა იქნენ დაკრძალული. 

ნანგრევებიდან ხალხის ამოყვანის ერთ-ერთი ბოლო მცდელობისას, მიწისძვრიდან 12 დღის შემდეგ, სასწრაფო დახმარების ჯგუფმა ანტაკიის სამაშველო ადგილზე ნამსხვრევების გაწმენდა დაიწყეს.

მაშველებმა განაცხადეს, რომ მაძიებელმა ძაღლებმა და თერმოკამერებმა ორი ადამიანის სიცოცხლის ნიშნები დააფიქსირეს, მაგრამ შუაღამის შემდეგ, სამაშველო სამუშაოები შეწყვიტეს.

"არავინ არის ცოცხალი. მგონია, რომ ხალხის გადარჩენა აღარ შეგვიძლია", - თქვა AFAD-ის წევრმა, მუჯდათ ერდოღანმა. 

შეგახსენებთ, რომ 6 თებერვალს თურქეთის სამხრეთ-აღმოსავლეთ ნაწილში, სირიის საზღვართან ახლოს 7.8 მაგნიტუდის სიმძლავრის მიწისძვრა მოხდა. ​აშშ-ის გეოლოგიური სამსახურის ცნობით, მიწისძვრა ადგილობრივი დროით 04:17 საათზე 17,9 კმ სიღრმეზე ქალაქ გაზიანტეპთან დაფიქსირდა.

თურქეთსა და სირიაში მომხდარ მიწისძვრას 46 000-ზე მეტი ადამიანი ემსხვერპლა. მოსალოდნელია, რომ რიცხვი გაიზრდება. არც თურქეთს და არც სირიას ზუსტად არ უთქვამთ, რამდენი ადამიანი ითვლება დაკარგულად. 

ჯანდაცვის მსოფლიო ორგანიზაციის შეფასებით, დაახლოებით 26 მილიონი ადამიანი თურქეთსა და სირიაში ჰუმანიტარულ დახმარებას საჭიროებს.

ავტორი: ექსპრესნიუსი,

სოციალური ქსელები

რა შეიცვალა საქართველოს ეკონომიკისთვის ახლო აღმოსავლეთის შეთანხმებიდან ორი კვირის თავზე?

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა