2023-02-16 17:20:10, 1919 ნახვა
ომი უკრაინაში
მოლდოვაში, უკრაინის საზღვარზე რაკეტის ნამსხვრევები აღმოაჩინეს - შსს
მოლდოვაში, უკრაინის საზღვარზე, საგუშაგო "ლარგასთან" რაკეტის ნამსხვრევები აღმოაჩინეს. აღნიშნილ ინფორმაციას მოლდოვის შინაგან საქმეთა სამინისტრო ავრცელებს.
შსს-ს ინფორმაციით, შესაბამისმა უწყებებმა ტერიტორიის დასაცავად სასწრაფო ზომები მიიღო.
ამასთან, როგორც მოლდოვის შინაგან საქმეთა სამინისტროში აცხადებენ, ეს უკვე მეოთხე შემთხვევაა, როდესაც უკრაინის დაბომბვის შედეგად რაკეტების ნარჩენები მათი ქვეყნის ტერიტორიაზე ვარდება.
შეგახსენებთ, რომ რამდენიმე დღის წინ მოლდოვამ ცის დახურვის გადაწყვეტილება "სამოქალაქო ავიაციის უსაფრთხოების უზრუნველსაყოფად" მიიღო, თუმცა მალევე გახსნა.
ავტორი: ექსპრესნიუსი,
epn.ge (@expressnews.ge)
