პარტია "ერთიან ნაციონალურ მოძრაობას" ახალი თავმჯდომარე ჰყავს. ამომრჩეველთა 52,58%-მა ხმა ლევან ხაბეიშვილს მისცა. 

აღნიშნული ცვლილების შემდეგ, ნიკა მელიას მხარდამჭერ რიგებში მყოფმა პარტიის წევრებმა თანამდებობები დატოვეს. 

პირველი განცხადება "ნაციონალური მოძრაობის" მოქმედმა პოლიტსაბჭოს თავმჯდომარემ, კობა ნაყოფიამ გააკეთა. შედეგების გამოცხადებიდან მალევე, ნაყოფიამ თქვა, რომ "იგივე თანამდებობაზე საკუთარ თავს აღარ განიხილავს".

იგივე პოზიცია გაიზიარა გიორგი კირთაძემ, რომელსაც მელია გამარჯვების შემთხვევაში „ნაციონალური მოძრაობის“ გენერალურ მდივნად დანიშვნას ჰპირდებოდა. "ერთიანი ნაციონალური მოძრაობის" წევრის თქმით, ბათუმის ორგანიზაციის ხელმძღვანელის პოსტს ტოვებს, თუმცა პარტიაში რჩება. 

"მე ეს ადრეც ვთქვი, ნიკა მელიას დამარცხების შემთხვევაში მე ვეღარ გავაგრძელებდი ბათუმის ხელმძღვანელის პოზიციაზე მუშაობას... მე არსად მივდივარ, ვრჩები პარტიაში და ვაგრძელებ ბრძოლას იმ იდეალებისთვის, რისთვისაც ვარ ამ პარტიაში", - განაცხადა გიორგი კირთაძემ.

თანამდებობა დატოვა აკაკი მინაშვილმაც, რომელიც „ერთიანი ნაციონალური მოძრაობის“ პოლიტიკური მდივნისა და პოლიტიკური საბჭოს თავმჯდომარის პოსტს იკავებდა. 

„მინდა მივულოცო ლევან ხაბეიშვილს, თუმცა ამავე დროს გითხრათ, რომ მე მქონდა გარკვეული პოზიციები პარტიის მენეჯმენტში. ვიყავი პოლიტიკური მდივანი, პოლიტიკური საბჭოს თავმჯდომარე. ორივე ამ პოზიციას ვტოვებ. ბუნებრივია, პარტიიდან არ მივდივარ, მითუმეტეს, იმ ფონზე, როდესაც მიხეილ სააკაშვილის სიცოცხლის გადარჩენის საკითხი არის ძალიან აქტუალური, თუმცა აქტიურ პარტიულ მმართველობას ჩამოვშორდები და ვდისტანცირდები. პარტიას ვუსურვებ წარმატებას. ძალიან მნიშვნელოვანი, რომ „ნაციონალური მოძრაობა“ იყოს ძლიერი და იყოს პარტია, რომელიც მნიშვნელოვან როლს შეასრულებს „ქართული ოცნების“ ჩამოშორებაში,“ - განაცხადა აკაკი მინაშვილმა.

თანამდებობა ასევე დატოვა ბაჩო დოლიძემ, რომელიც საორგანიზაციო მდივნის პოზიციას იკავებდა და საზოგადოებრივი ურთიერთობის ხელმძღვანელმა გიორგი პატარაიამ, რომელიც აღნიშნულ პოსტს 2004 წლიდან 2004 წლიდან ხელმძღვანელობდა. 

ცნობისთვის, 9 ნოემბერს, ირაკლი ნადირაძემ რეგიონულ ლიდერებთან ერთად გამართულ ბრიფინგზე განაცხადა, რომ „ერთიანი ნაციონალური მოძრაობის" ნაწილი პარტიაში შიდა არჩევნების ჩატარებასა და ახალი თავმჯდომარის არჩევას ითხოვდა.

ამის საპასუხოდ, პარტიის მოქმედმა თავმჯდომარემ, ნიკა მელიამ თქვა, რომ ეს იყო ნაჩქარევი განცხადება, რომელსაც "შორსმიმავალი გეგმები" ჰქონდა, თუმცა მზად იყო, რომ არჩევნებში მონაწილეობა მიეღო.

თავმჯდომარის პოსტზე საკუთარი კანდიდატურა წარადგინა „ნაციონალური მოძრაობის“ წევრმა, ლევან ხაბეიშვილმა და ნიკა მელიასთან დაპირისპირებაში მყოფმა გიორგი მუმლაძემ. აღსანიშნავია, რომ თავმჯდომარეობისთვის ბრძოლას გეგმავდა გიორგი ჩალაძეც, თუმცა მისი კანდიდატურა წარდგენიდან მალევე მოხსნა. 

12 დეკემბერს ცნობილი გახდა, რომ „ნაციონალური მოძრაობის" თავმჯდომარეობისთვის ნონა მამულაშვილიც იბრძოლებდა, რომელმაც სულ ცოტა ხნის წინ პარტიაც და პარლამენტიც ოფიციალურად დატოვა იმ მოტივით, რომ "პარტიას სიახლე და გაჯანსაღება არ ეტყობოდა". 

„ერთიანი ნაციონალური მოძრაობის" თავმჯდომარეობის არჩევნებში ამომრჩეველთა რეგისტრაცია 13 იანვარს დაიწყო. კენჭისყრა კი 28-29 იანვარს გაიმართა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

კალაძე ტაქსისტებს - მეგობრებო, აუცილებლად გადაიხადეთ დავალიანება, წინააღმდეგ შემთხვევაში, ჩვენ მოგვიწევს ნებართვების გაუქმება

ციხეში მყოფი ელენე ხოშტარიას ჯანმრთელობის მდგომარეობა დამძიმდა - ადვოკატი

სუს-ში რკინიგზის საქმეზე დაკავებულების ადვოკატები მივიდნენ, მათ ბრალი წარედგინათ

საქართველო შეიძლება, დარჩეს ერთადერთ ქვეყანად, რომელიც სრულად იქნება კონტროლირებადი რუსეთის მიერ - ჟალიმასი