საქართველოს მესამე პრეზიდენტის დედა გიული ალასანია სამხარაულის ექსპერტიზის ეროვნულ ბიუროს მიერ გამოტანილ დასკვნას "ზედაპირულსა და არადამაჯერებელს" უწოდებს. 

გიული ალასანიას თქმით, მიხეილ სააკაშვილის დიაგნოზები მაღალი დონის სპეციალისტების მიერ არის დადასტურებული. გარდა ამისა, ალასანია ამბობს, რომ ექსპრეზიდენტის მდგომარეობაზე მისი ვიზუალიც მეტყველებს. 

"საქართველოში იყო ძალიან მაღალი დონის სპეციალისტები და ისინი შეთანხმდნენ იმ დიაგნოზებზე, რომელიც არის. გარდა ამისა, ჩვენ გვახსოვს მიხეილ სააკაშვილი როგორ მდგომარეობაში შემოვიდა ამ დაწესებულებაში - ფეხზე იდგა, ნორმალური ადამიანი იყო. ახლა ინვალიდის ეტლში ზის და ორ ნაბიჯზეც ვერ გადაადგილდება. გუშინ ძლივს ჩავსვი ეტლში, წარმოიდგინეთ, ასეთ მდგომარეობაშია და მე მეუბნებიან, რომ ეს არის საშუალო დონის ავადმყოფი?! ის რაც მოვისმინე იყო ძალიან  ზედაპირული და არადამაჯერებელი ჩემთვის",- განაცხადა ალასანიამ. 

ცნობისთვის, გუშინ იუსტიციის მინისტრმა ლევან სამხარაულის ექსპერტიზის ეროვნული ბიუროსგან მიღებული დასკვნა ცენტრ "ემპათიას" შეადარა და გამოთქვა ვარაუდი, რომ მიხეილ სააკაშვილის მიმართ გამოტანილ დიაგნოზები არ არის სარწმუნო და უტყუარი.

ავტორი: ექსპრესნიუსი,

სოციალური ქსელები

ჟურნალისტ მთივლიშვილზე თავდასხმის ფაქტზე შსს-მ გამოძიება დაიწყო

რუსების აგრესიის შედეგად, ერთ დღეში უკრაინის სამ რეგიონში თითქმის 20 ადამიანი დაიჭრა

ყაზახეთმა ასტანაში გამართულ ძიუდოს გრანდ სლემში მეორე დღესაც ოქრო მოიპოვა

ესპანეთში 800 მილიონ ევროზე მეტი ღირებულების კოკაინის გადამტანი გემი დააკავეს