2023-01-27 09:21:39, 1828 ნახვა
მსოფლიო
NBC-ის ინფორმაციით, ჯო ბაიდენი 24 თებერვალს ევროპაში ვიზიტს გეგმავს
აშშ-ის პრეზიდენტი, ჯო ბაიდენი ევროპაში ჩასვლას გეგმავს, მისი ვიზიტი 24 თებერვალს უკრაინაში რუსეთის სრულმასშტაბიანი შეჭრის წლისთავთან იქნება დაკავშირებული. აღნიშნულის შესახებ ინფორმაციას NBC news -ი ავრცელებს.
მედიის ცნობით, განიხილება რამდენიმე ქვეყანა, რომელსაც შესაძლოა, აშშ-ის პრეზიდენტი ეწვიოს, მათ შორის არის პოლონეთი.
მათივე ცნობით, ბაიდენის ადმინისტრაციის წარმომადგენლები ასევე განიხილავენ თებერვლის ბოლოს უკრაინის სამხედრო დახმარების კიდევ ერთი მნიშვნელოვანი პაკეტის გამოცხადებას.
"აღნიშნული ვიზიტის მიზანია კიდევ ერთხელ დადასტურდეს აშშ-ის სოლიდარობა უკრაინელი ხალხის მიმართ მაშინ, როდესაც ომი ახალ ფაზაში შედის",- წერს მედია.
ავტორი: ექსპრესნიუსი,
epn.ge (@expressnews.ge)
