ბატონი კინზინგერი შეგნებულად ავრცელებს დეზინფორმაციას, - ამის შესახებ ანტიდასავლური მოძრაობა "ხალხის ძალის" წევრმა, სოზარ სუბარმა სოციალურ ქსელში დაწერა.

სუბარის განცხადებით, საქართველოს "დაუძინებელი მეგობრები" ქვეყნის იმიჯის დაზიანებას ნაბიჯ-ნაბიჯ ცდილობენ.

"ოჯახმა მოიკვეთა, საკუთარმა პარტიამ შერისხა, კონგრესი დაატოვებინეს და ახლა საქართველოს კომენტატორი გახდა? ბატონი კინზინგერი აშშ-ის კონგრესში საქართველოს მეგობრობის ჯგუფის ხელმძღვანელი იყო და ძალიან კარგად იცის, რომ საქართველოს რუსეთთან დიპლომატიური ურთიერთობა არა აქვს, შესაბამისად, 15 წელია რუსეთს არც ელჩი ჰყავს საქართველოში და ვერც ვერავის დავიბარებთ, მაგრამ შეგნებულად ავრცელებს დეზინფორმაციას. ასე, ნაბიჯ-ნაბიჯ ცდილობენ ჩვენი ქვეყნის იმიჯის დაზიანებას ჩვენი „დაუძინებელი მეგობრები”, - წერს სუბარი "ფეისბუქის" საკუთარ გვერდზე.

ცნობისთვის, ამერიკელი "რესპუბლიკელი" კონგრესმენი ადამ კინზინგერი უკრაინის საქმეთა დროებითი რწმუნებულის, ანდრეი კასიანოვის საქართველოს საგარეო საქმეთა სამინისტროში დაბარებას გამოეხმაურა და მმართველ პოლიტიკურ პარტიას კითხვით მიმართა:

„საინტერესოა, ბოლოს როდის დაიბარეს რუსეთის ელჩი, ან თუნდაც დაგმეს რუსეთის ქმედებები? ჰეი, „ქართული ოცნება“, ხომ იცით, რუსეთი აგებს ომს".

ანდრეი კასიანოვი დიპლომატიურ უწყებაში ახსნა-განმარტებებისთვის მას შემდეგ დაიბარეს, რაც განაცხადა, რომ რუსეთთან პირდაპირი საჰაერო მიმოსვლის აღდგენა საქართველოში მყოფი უკრაინის მოქალაქეებისთვის რისკისშემცველი იქნება, რის გამოც ქვეყნიდან თავისი მოქალაქეების ევაკუაცია არ გამორიცხა.

ავტორი: ექსპრესნიუსი,

სოციალური ქსელები

პროკურატურამ რკინიგზის საქმის რვავე დაკავებულს ბრალი წარუდგინა, ორზე ძებნა გამოცხადდა

კალაძე ტაქსისტებს - მეგობრებო, აუცილებლად გადაიხადეთ დავალიანება, წინააღმდეგ შემთხვევაში, ჩვენ მოგვიწევს ნებართვების გაუქმება

ციხეში მყოფი ელენე ხოშტარიას ჯანმრთელობის მდგომარეობა დამძიმდა - ადვოკატი

სუს-ში რკინიგზის საქმეზე დაკავებულების ადვოკატები მივიდნენ, მათ ბრალი წარედგინათ