|
2023-01-23 17:10:32, 850 ნახვა
საზოგადოება
ოთარ შამუგია ლატვიის რესპუბლიკის სოფლის მეურნეობის მინისტრს ბერლინში შეხვდა
ბერლინში მიმდინარე საერთაშორისო გამოფენის „მწვანე კვირეული 2023” ფარგლებში, საქართველოს გარემოს დაცვისა და სოფლის მეურნეობის მინისტრი ოთარ შამუგია ლატვიის რესპუბლიკის სოფლის მეურნეობის მინისტრ დიძის სმიტს შეხვდა. როგორც შეხვედრაზე ხაზგასმით აღინიშნა, ევროკავშირისკენ მიმავალ გზაზე ლატვია საქართველოს მუდმივი მხარდამჭერია. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს. უწყების ცნობით, ევროკავშირის რეგულაციებთან და სტანდარტებთან დაახლოების კუთხით ლატვიის რესპუბლიკის გამოცდილების გაზიარების საკითხები მხარეებს შორის შეხვედრის ერთ-ერთი მთავარი თემა იყო. „სოფლის მეურნეობის მოდერნიზაციის მიმართულებით აქტიური თანამშრომლობა მნიშვნელოვნად გვეხმარება საქართველოს ევროატლანტიკურ სივრცეში ინტეგრაციის და ევროკავშირის წინაშე ნაკისრი ვალდებულებების შესრულებაში”, - განაცხადა ოთარ შამუგიამ. მათივე ცნობით, შეხვედრაზე ყურადღება გამახვილდა საქართველოსა და ლატვიის რესპუბლიკას შორის სავაჭრო ურთიერთობების გაძლიერების საკითხებზე. ოთარ შამუგიამ აღნიშნა, რომ 2022 წლის წინასწარი მონაცემებით, საქართველოდან ლატვიაში განხორციელდა 9.8 მლნ აშშ დოლარის ღირებულების აგროსასურსათო პროდუქციის ექსპორტი. აღნიშნული მაჩვენებელი 15%-ით აღემატება წინა წლის მაჩვენებელს. 2022 წელს, საქართველოდან ლატვიაში, ძირითადად, ექსპორტირებული იყო ყურძნის ნატურალური ღვინოები, სპირტიანი სასმელები, მინერალური და მტკნარი წყლები და თხილი. 2022 წელს, ლატვიის რესპუბლიკაში ღვინის ექსპორტის ღირებულებამ 4.4 მლნ აშშ დოლარი შეადგინა, რაც წინა წლის ანალოგიურ მაჩვენებელს 4%-ით აღემატება.
ჟურნალისტ მთივლიშვილზე თავდასხმის ფაქტზე შსს-მ გამოძიება დაიწყო
რუსების აგრესიის შედეგად, ერთ დღეში უკრაინის სამ რეგიონში თითქმის 20 ადამიანი დაიჭრა
ყაზახეთმა ასტანაში გამართულ ძიუდოს გრანდ სლემში მეორე დღესაც ოქრო მოიპოვა
ესპანეთში 800 მილიონ ევროზე მეტი ღირებულების კოკაინის გადამტანი გემი დააკავეს
|
რედაქტორის რჩევით
ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო
წინადადება თბილისს: იცვლის თუ არა უკრაინა კურსს საქართველოსთან მიმართებაში
ომი უკრაინაში
რუსების აგრესიის შედეგად, ერთ დღეში უკრაინის სამ რეგიონში თითქმის 20 ადამიანი დაიჭრა
ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა
ვიდეო/LIVE პატრიარქის ილია მეორის დაკრძალვა - პირდაპირი
|


ავტორი: NS (სტატია დაფინანსებულია),



epn.ge (@expressnews.ge)