ჯორჯიის შტატში ქალაქ ატლანტაში,  პოლიციის მიერ მოკლული ეკოაქტივისტის გამო არეულობა დაიწყო. Associated Press-ის ცნობით, 21 იანვარს საღამოს რამდენიმე ასეულმა მომიტინგემ ქალაქის ერთ-ერთ ქუჩაზე მსვლელობა მოაწყო. ზოგიერთი მათგანი, სახეს ნიღბებით მალავდა, პოლიციის შენობის წინ შეიკრიბა და ფანჯრებს ქვები ესროლა.

სააგენტოს ინფორმაციით, საპროტესტო აქციის მონაწილეებმა პოლიციის მანქანებიც დაწვეს.

ჯორჯიის რესპუბლიკელმა გუბერნატორმა ბრაიან კემპმა პირობა დადო, რომ დაისჯება დარბევაში მონაწილე ყველა პირი. „ძალადობა და ქონების უკანონო განადგურება არ არის პროტესტის ფორმა. ეს არის დანაშაული“, - დაწერა მან თავის Twitter-ზე.
18 იანვარს პოლიციამ მოკლა 26 წლის ეკოაქტივისტი, რომელიც ცნობილია როგორც ტორტუგუიტა. ხელისუფლების განცხადებით, მამაკაცმა ოფიცერს ესროლა, სამართალდამცველს ტყვია მუცელში მოხვდა, აქტივისტი საპასუხო ცეცხლი მოკლეს. ინციდენტი მოხდა მომიტინგეთა ბანაკის დარბევის დროს იმ ადგილზე, სადაც საზოგადოებრივი უსაფრთხოების სასწავლო ცენტრის მშენებლობა იგეგმება. აქტივისტებმა ეჭვქვეშ დააყენეს ხელისუფლების ვერსია და მოითხოვეს მათი კოლეგის გარდაცვალების დამოუკიდებელი გამოძიება.

ეკოაქტივისტები უკვე ერთი წელია აპროტესტებენ ცენტრის მშენებლობას, რომელსაც „პოლიციურ ქალაქს“ უწოდებენ. აქტივისტების თქმით, მშენებლობისას იმდენ ტყეს მოიჭრიან, რომ ფაქტორი გარემოს დააზარალებს.

ჯორჯიის გამოძიების ბიურო (GBI) იტყობინება, რომ საპროტესტო ბანაკში დარბევისას, რომელიც განხორციელდა 18 იანვარს, ამოღებულია საჰაერო შაშხანები, ცეცხლსასროლი იარაღი, ნაჭრები და გაზის ნიღბები. შიდა ტერორიზმისა და ქურდობის ბრალდებით შვიდი ადამიანი დააკავეს. ხელისუფლება ამტკიცებს, რომ არცერთი მათგანი არ არის შტატის მკვიდრი.

ავტორი: ექსპრესნიუსი,

სოციალური ქსელები

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა