2023-01-10 15:22:40, 827 ნახვა

---

ალასანია - აღიარეს, რომ მძიმე ავადმყოფია, მაგრამ ეს ყველაფერი უნდათ მიაწერონ 2017 წელს უკრაინაში მომხდარს

აღიარეს, რომ ავად არის და ნამდვილად მძიმე ავადმყოფია, მაგრამ ეს ყველაფერი უნდათ მიაწერონ 2017 წელს უკრაინაში მომხდარს, - ამის შესახებ საქართველოს მესამე პრეზიდენტის დედამ, გიული ალასანიამ პენიტენციურ სამსახურზე საუბრისას განაცხადა. 

გიული ალასანიამ კიდევ ერთხელ აღნიშნა, რომ მიხეილ სააკაშვილის მდგომარეობა მძიმეა, რასაც მისი ვიზუალიც მოწმობს. 

"ადამიანს აქვს დამთავრებული, არ მინდა დავაკნინო, გორში იურიდიული ფაკულტეტი და მსოფლიოში ცნობილ ნევროლოგს, ნევროლოგიურ დიაგნოზში არ ეთანხმება, ცოტა სასაცილო არ არის ეს ყველაფერი? კი ბატონო, აღიარეს, რომ ავად არის და ნამდვილად მძიმე ავადმყოფია, მაგრამ ეს ყველაფერი უნდათ მიაწერონ 2017 წელს უკრაინაში მომხდარს და ჩვენ ხომ გვახსოვს როგორ გამოიყურებოდა ადამიანი, ელემენტარულად, დიაგნოზებსაც რომ თავი დაანებო, როგორ გამოიყურებოდა ფიზიკურად და ახლა როგორ გამოიყურება ამასაც ხომ ვხედავთ", - განაცხადა გიული ალასანიამ.

შეგახსენებთ, რომ საქართველოს მესამე პრეზიდენტის მორიგი სასამართლო პროცესი ხვალ, 11 იანვარს გაიმართება. სხდომაზე ამერიკელი სპეციალისტები გამოიკითხებიან. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი