ესტონეთი მზადაა გახდეს ევროკავშირშის პირველი ქვეყანა, რომელიც რუსულ აქტივებს უკრაინას გადასცემს. ამის შესახებ ესტონეთის საგარეო საქმეთა სამინისტროს ოფიციალურმა წარმომადგენელმა, მიჰკელ ტამმა განაცხადა. 

როგორც გამოცემა Bლოომბერგ-ი წერს, ​ესტონეთი გეგმავს საკანონმდებლო ბაზის შექმნას მიმდინარე წლის იანვრის ბოლომდე, რაც მას საშუალებას მისცემს უკრაინას გადასცეს ტალინის მიერ გაყინული რუსული აქტივები.

ამრიგად, ესტონეთი შეიძლება გახდეს ევროკავშირის პირველი სახელმწიფო, რომელიც რუსულ აქტივებს კიევს გადასცემს - ნებისმიერ შემთხვევაში, სხვა ქვეყნებს არ გამოუცხადებიათ სურვილი მსგავსი მექანიზმის შექმნის შესახებ. 

მანამდე იგივე სააგენტო გერმანიის მთავრობის წყაროებზე დაყრდნობით იტყობინება, რომ გერმანია ასევე განიხილავს რუსული აქტივების შესაძლო გადაცემას უკრაინაში, სადაც დაახლოებით 5 მილიარდი ევროა გაყინული . თუმცა, ბერლინი ელოდება ევროკავშირის კონსოლიდირებულ პოზიციას და არ არის მზად სარისკო ინდივიდუალური ნაბიჯებისთვის, რამაც შეიძლება გამოიწვიოს სასამართლო პროცესების ტალღა.

ესტონეთის მიერ გაყინული რუსული სახსრების მთლიანი მოცულობა 20 მილიონი დოლარია. მთლიანობაში, ევროკავშირმა გააყინა რუსული აქტივები 68 მილიარდი ევროს ოდენობით, ამ თანხის 90 პროცენტი ბელგიას, ლუქსემბურგს, იტალიას, გერმანიას, ირლანდიას, ავსტრიასა და საფრანგეთს აქვს.

ავტორი: ექსპრესნიუსი,

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება