მინსკში დაიწყო ადამიანის უფლებათა ცენტრის Viasna-ს წარმომადგენელთა სასამართლო პროცესი, რომელიც გასულ წელს ნობელის მშვიდობის პრემიის ლაურეატი გახდა. დოკზე არიან ორგანიზაციის თავმჯდომარე ალეს ბიალიატსკი და მისი ორი კოლეგა. „ვიასნას“ კიდევ ერთი თანამშრომელი, რომელმაც ბელორუსია დატოვა, დაუსწრებლად ასამართლებენ.

მათ ბრალი ედებათ ფულის კონტრაბანდაში, 2020 და 2021 წლებში საპროტესტო აქციების დაფინანსებასა და მომზადებაში. გასულ ზაფხულს ისინი გადასახადებისგან თავის არიდების ბრალდებით დააკავეს, მოგვიანებით კი ბრალდება შეიცვალა; თანხა კი იგივე დარჩა - 300 ათას ევროზე მეტი.

ბრალდებულებმა სასამართლოს ხელბორკილების მოხსნის შუამდგომლობით მიმართეს და სასამართლო პროცესი ბელორუსულად წარიმართა. მოსამართლემ ორივე მოთხოვნა არ დააკმაყოფილა, თუმცა ბრალდებულებს ბელორუსულად საუბრის უფლება მისცა.

საქმის მოცულობა რეკორდულია - 238 ტომი. ამიტომ, მოსალოდნელია, რომ პროცესი რამდენიმე თვე გაგრძელდება. ამ დროისთვის დაგეგმილია შეხვედრები ღია რეჟიმში. თუმცა, უცხოელი დიპლომატები დარბაზში არ შეუშვეს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს