ვატიკანი დაემშვიდობა ემერიტუს პაპს ბენედიქტ XVI-ს. საპატიო პაპი 31 დეკემბერს 96 წლის ასაკში გარდაიცვალა. დაკრძალვის ცერემონიას ათასობით მორწმუნე დაესწრო. ზოგმა იოზეფ რაცინგერის მშობლიური გერმანიის დროშები მოიტანა.

წმინდა პეტრეს ტაძრის წინ საპატიო სტუმრები ისხდნენ, მათ შორის იტალიის პრემიერ-მინისტრი ჯორჯია მელონი და მისი უდიდებულესობა ესპანეთის დედოფალი სოფია. ცერემონიალს რომის კათოლიკური ეკლესიის წინამძღვარი ფრანცისკე ხელმძღვანელობდა.

ფრანცისკე, რომის პაპი: "ბენედიქტე, ზეციური სიძის ერთგული მეგობარი, შეიძლება თქვენი სიხარული იყოს სრული, როდესაც გაიგონებთ მის ხმას, ახლა და სამუდამოდ."

ცერემონიის დროს არქიეპისკოპოსმა გეორგ გენსვეინმა, რომელიც ბენედიქტ XVI-ის პირადი მდივანი იყო, მის კუბოზე ღია სახარება დადო.

2013 წელს ბენედიქტ XVI გახდა პირველი პონტიფიკოსი, რომელმაც გადადგა თანამდებობა 600 წლის განმავლობაში. მან თავისი გადაწყვეტილება რომის კათოლიკური ეკლესიის მართვის ძალების ნაკლებობით ახსნა.

ყოფილი პაპის ცხედრი წმინდა პეტრეს ტაძრის საკურთხევლის ქვეშ საძვალეში განისვენებს.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა