საქართველოში პრეზიდენტებს  სევდიანი ბედი აქვთ, - ამის შესახებ რუსმა ბლოგერმა და უფლებადამცველმა, მარკ ფეიგინმა განაცხადა.

ფეიგინი, რომელმაც მესამე პრეზიდენტს მხარდაჭერა გამოუცხადა და 4 იანვარს გლობალური აქციაც დააანონსა, ამბობს, რომ ის, რაც საქართველოში ხდება, მიხეილ სააკაშვილის მიმართ პოლიტიკურ ანგარიშსწორებას ჰგავს.

"თუ პენიტენციურ სისტემას არ აქვს შესაძლებლობა, უმკურნალოს მსჯავრდებულ ადამიანს, რომელიც საავადმყოფოშია, რატომ არ შეიძლება გაგზავნონ ის საზღვარგარეთ სამკურნალოდ გარანტიით, რომ მას განკურნების შემდეგ დააბრუნებენ. ვფიქრობ, რომ ასეთი პროცესუალური შესაძლებლობა არსებობს. ვისაც არ უნდა, იგონებს მიზეზებს და ვისაც უნდა, აკეთებს. ვითარება განსხვავებულია - ის ხომ ჩვეულებრივი ადამიანი არ არის. ისინი ამბობენ, რომ ჩვეულებრივი ადამიანივით ვეპყრობითო, მაგრამ ის ხომ პრეზიდენტია - საქართველოს მესამე პრეზიდენტი. საერთოდ, სევდიანი ბედი აქვთ პრეზიდენტებს საქართველოში და რატომ უნდა გაჭიანურდეს ეს საკითხი? ყველაფერი გამოიყურება, როგორც პოლიტიკური ანგარიშსწორება სააკაშვილის მიმართ, რადგან თქვენთან არიან მისი ოპონენტები. ამბობენ, რომ შეწყალების აქტის მიღება შეუძლებელია, რადგან მიმდინარე საქმეები არსებობს. ასე, ახალი და ახალი საქმეების აღძვრაც შეიძლება. ხომ გვესმის ეს როგორც მუშაობს?" - აცხადებს მარკ ფეიგინი.

ცნობისთვის, დღეს, 4 იანვარს მესამე პრეზიდენტის, მიხეილ სააკაშვილის მხარდასაჭერად, მსოფლიოს სხვადასხვა ქალაქებსა და საქართველოს 8 ქალაქში აქციები გაიმართება.

ავტორი: ექსპრესნიუსი,

სოციალური ქსელები

საქართველოს რკინიგზის საქმეზე ბრალდებულებს აღკვეთის ღონისძიებად პატიმრობა შეეფარდათ

ნანუკა ჟორჟოლიანი არ გამორიცხავს, ნაციონალური მოძრაობის თავმჯდომარეობისთვის იბრძოლოს

გოგა ხაინდრავამ ფორმულას უჩივლა, პროკურატურამ გამოძიება ცრუ დასმენის მუხლით დაიწყო

20 ივნისის საქმეზე გიორგი გახარიას წინააღმდეგ მაკო გომურმა სასამართლოს ჩვენება მისცა