2023 წლის ბიუჯეტის პროექტით იზრდება პენსია და სხვადასხვა სოციალური დახმარებების ოდენობა,ამის შესახებ ინფორმაციას ფინანსთა სამინისტრო ავრცელებს.

უწყების ცნობით,2023 წლის ბიუჯეტის საბოლოო ვერსიაში ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს დაფინანსება პროექტის წინა ვარიანტთან შედარებით, გაზრდილია 59,8 მილიონი ლარით  და 6 მილიარდ 858 მილიონ ლარს აჭარბებს.

2023 წლის ბიუჯეტის პროექტის გათვალისწინებით, ყველა კატეგორიის პენსიონერთათვის  იზრდება პენსია, ასევე, დაგეგმილია ზრდა სოციალური დახმარებების კუთხით.

წარმოდგენილი პროექტი ითვალისწინებს 2023 წლის ივლისიდან სოციალურად დაუცველი ბავშვების დახმარების 50 ლარით ზრდას და ერთ ბავშვზე განისაზღვრება 200 ლარის ოდენობით. ამ მიზნით, გამოიყო დამატებით 65 მილიონ ლარზე მეტი;

2023 წლის ბიუჯეტი, ასევე, ითვალისწინებს ცვლილებებს ე.წ. დეკრეტულ შვებულებებთან დაკავშირებით. კერძოდ, სკოლის მასწავლებლები დეკრეტული შვებულების დროს სრულ ხელფასს მიიღებენ, ხოლო კერძო სექტორში დასაქმებულების განსაზღვრული დახმარება გაორმაგდება და 1000 ლარის ნაცვლად, განისაზღვრება 2000 ლარით.

გარდა ამისა, კორონავირუსის მკურნალობასთან დაკავშირებული ხარჯების შემცირების ხარჯზე, გაზრდილია საყოველთაო ჯანდაცვის დაფინანსება, რომლის ფარგლებში, გათვალისწინებულია ქრონიკული მედიკამენტების ქვეპროგრამის მნიშვნელოვანი გაფართოება.

ავტორი: NS (სტატია დაფინანსებულია),

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება