2022-12-09 10:44:09, 1067 ნახვა
საზოგადოება
თბილისის მეტროს საბურთალოს ხაზი ხარვეზის გამო მგზავრებს დროებით ვერ მოემსახურება
თბილისის მეტროს საბურთალოს ხაზი ტექნიკური ხარვეზის გამო, მგზავრებს დროებით ვერ მოემსახურება. ამის შესახებ განცხადებას თბილისის სატრანსპორტო კომპანიის ავრცელებს.
მათივე ცნობით, კომპანიის შესაბამისი სამსახურები ადგილზე მუშაობენ ხარვეზის აღმოსაფხვრელად. შეფერხება, დაახლოებით, 30 წუთი გაგრძელდება.
თბილისის მეტროს პირველი ხაზი ("ახმეტელის თეატრი" - "ვარკეთილი") ჩვეულ რეჟიმში განაგრძობს მუშაობას.
ავტორი: ექსპრესნიუსი,
epn.ge (@expressnews.ge)
