წინასწარი მონაცემებით, აშშ-ის შუალედურ არჩევნებში დემოკრატებმა სენატში უმრავლესობა გაიმტკიცეს. აღნიშნულის შესახებ ინფორმაციას BBC-ი ავრცელებს.

ეს მოხდა მას შემდეგ, რაც ჯორჯიის შტატში ჩატარებულ სენატის არჩევნების მეორე ტურში გამარჯვება მოქმედმა დემოკრატმა, რაფაელ უორნოკმა მოიპოვა.

უორნოკმა მეორე ტურში რესპუბლიკელი კანდიდატი ჰერშელ უოლკერი დაამარცხა. ამგვარად, 100-ადგილიან სენატში დემოკრატებს - 51, რესპუბლიკელებს კი 49 ხმა ექნებათ.

უორნოკის თქმით, რთული კამპანიის შემდეგ, მისთვის პატივია, წარმოთქვას დემოკრატიის ყველაზე ძლიერი სიტყვები - „ხალხმა თავისი სათქმელი თქვა“.

სენატში დემოკრატების ახალი სრული უმრავლესობა ნიშნავს, რომ პარტიას აღარ მოუწევს რესპუბლიკელებთან ძალაუფლების გაზიარების შესახებ მოლაპარაკება. 

აღსანიშნავია, ასევე, რომ მანამდე არიზონას შტატში შუალედური არჩევნები დემოკრატებმა მოიგეს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს