ევროპის რამდენიმე ქვეყანაში უკრაინის საელჩოებსა და საკონსულოებს სისხლით შეღებილი ამანათები გაუგზავნეს, რომლებშიც ცხოველების თვალები იყო,- აღნიშნულის შესახებ ინფორმაციას უკრაინის საგარეო საქმეთა სამინისტროს სპიკერი, ოლეგ ნიკოლენკო ავრცელებს.

დიპლომატის განცხადებით, ასეთი ამანათები აღმოჩენილია უნგრეთში, ნიდერლანდებში, ხორვატიაში, იტალიაში, პოლონეთსა და ჩეხეთში.

„ყუთში ცხოველების თვალები იყო. თავად ჩანთები დამახასიათებელი ფერის სითხით იყო გაჟღენთილი და შესაბამისი სუნი ჰქონდა. ჩვენ ვსწავლობთ ამ გზავნილის მნიშვნელობას“,- განაცხადა ნიკოლენკომ.

მისივე თქმით, ვანდალებმა ვატიკანში, უკრაინის ელჩის სახლის შესასვლელი დააზიანეს.

ქვეყნის საგარეო საქმეთა მინისტრმა დიმიტრი კულებამ განაცხადა, რომ აღწერილი ყველა მოვლენა ტერორისტული ანტიუკრაინული კამპანიის ნაწილია.

„არსებობს საფუძველი ვიფიქროთ, რომ მიმდინარეობს უკრაინის საელჩოების და საკონსულოების ტერორისა და დაშინების კარგად დაგეგმილი კამპანია. ისინი ცდილობენ ჩვენს დაშინებას. თუმცა, შემიძლია ვთქვა, რომ ეს მცდელობები ამაოა. ჩვენ გავაგრძელებთ ეფექტურ მუშაობას უკრაინის გამარჯვებისთვის“,- განაცხადა კულებამ.

ამასთან, ქვეყნის საგარეო საქმეთა სამინისტროს ხელმძღვანელმა უკრაინის ყველა საელჩოსა და საკონსულოს უსაფრთხოების გაძლიერებული ზომების რეჟიმში გადაყვანა დაავალა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს