„ერთიანმა ნაციონალურმა მოძრაობამ“ ვაკის პარკის საქმეზე  ეკონომიკის სამინისტროდან დოკუმენტი გამოითხოვა. პარტია არ გამორიცხავს, რომ დოკუმენტი თბილისის მერის წინააღმდეგ ახალი მტკიცებულება გახდეს. 

ენმ-ის წევრის, ნინო კვიტაიშვილის თქმით, გამოთხოვილ დოკუმენტში წერია, რომ საქართველო საერთაშორისო ელექტროტექნიკური კომისიის წევრია, რაც ქვეყანას ავალდებულებს, რომ შადრევნები საერთაშორისო სტანდარტით მოაწყოს, თუმცა ეს არ იყო გათვალისწინებული.

მისივე თქმით, კახა კალაძე, რომელმაც „ზარ-ზეიმით“ გახსნა აღნიშნული შადრევანი ინფორმირებული უნდა ყოფილიყო, აღნიშნული სტანდარტების დარღვევაზე.

„ეკონომიკის სამინისტრო გვიპასუხა, რომ დიახ, საქართველო ეყრდნობა საერთაშორისო სტანდარტს და მას აქვს იგივე ვალდებულებები, რომლებიც გააჩნიათ, მაგალითად ევროპულ სახელმწიფოებში, როცა შადრევნის რეაბილიტაცია-რეკონსტრუქცია მიმდინარეობს. დასკვნა აქედან ძალიან მარტივია, რომ ეს საერთაშორისო სტანდარტი იყო უგულებელყოფილი, როგორც პროექტირების ეტაპზე, ისე შესრულების ეტაპზე.

კახა კალაძე, რომელმაც ზარ-ზეიმით გახსნა აღნიშნული შადრევანი მინიმუმ ინფორმირებული მაინც უნდა ყოფილიყო, რომ ყველა საერთაშიროსიო სტანდარტი ამ შემთვევაში დარღვეული იყო“,- განაცხადა კვიტაიშვილმა.

შეგახსენებთ, ვაკის პარკში მომხდარი ტრაგედიის საქმეზე, პოლიციამ მოსამართლის განჩინების საფუძველზე 9 პირი დააკავა , მათ შორის არიან კომპანია "გრინსერვის პლუსის" ხელმძღვანელი ლაშა ფურცხვანიძე და თბილისის მერიის გარემოს დაცვის სამსახურის უფროსის მოადგილე გიორგი ვახტანგაშვილი.

მათ აღკვეთის სახით, ორთვიანი წინასწარი პატიმრობა თბილისის საქალაქო სასამართლომ 21 ოქტომბერს შეუფარდა.

ავტორი: ექსპრესნიუსი,

სოციალური ქსელები

კობახიძე - ყველანაირი ფასი აქვს დაკარგული ევროპარლამენტის რეზოლუციებს

კობახიძე - სიძულვილის ენის წინააღმდეგ ბრძოლის სამმართველო შეასრულებს განსაკუთრებულ როლს, რომ თავი დავიცვათ სიძულვილისგან, აგრესიისგან

სიკორსკი ზელენსკიზე ორდენის ჩამორთმევაზე - ისტორიულ-ორდენების ომის გამარჯვებული შეიძლება იყოს მხოლოდ მოსკოვი

ტუსკი ზელენსკითვის თეთრი არწივის ორდენის ჩამორთმევაზე - პუტინს ახარებს და შოკში აგდებს ჩვენს მოკავშირეებს