დასკვნის სახით მოთხოვნაა წამოყენებული, რომ გადაიყვანონ უცხოეთში, - ასე ეხმაურება "ქართული ოცნების" დეპუტატი მიხეილ სარჯველაძე საქართველოს მესამე პრეზიდენტის ჯანმრთელობის მდგომარეობის შესახებ ცენტრ "ემპათიას"კომისიური სასამართლო სამედიცინო ექსპერტიზის დასკვნას.

სარჯველაძე ამბობს, რომ ექსპერტები საუბრობენ მიხეილ სააკაშვილის ფსიქოლოგიურ პრობლემაზე, თუმცა ამის გამო, პატიმრებს არსად არ ათავისუფლებენ.

"დასკვნის სახით მოთხოვნაა წამოყენებული, რომ გადაიყვანონ უცხოეთში, მაგრამ კმარი კი ამისთვის იმის თქმა, რომ 10 დიაგნოზი აქვს დასმული, ან მაგალითად, რომ მძიმეა მდგომარეობა, რთული მდგომარეობა აქვს ჯანმრთელობის. ვფიქრობ, რომ ამისთვის ეს საკმარისი არ არის. აი, ვინც გამოხატავს მხარდაჭერას ამ კაცის მიმართ, ის ექსპერტები ამბობენ, რომ ფსიქოლოგიური პრობლემა აქვს - შეუგუებლობა საკანთან, მაგრამ ამის გამო, არსად, არც ერთ ცივილიზაციაში პატიმრები არ თავისუფლდებიან", - განაცხადა სარჯველაძემ ჟურნალისტებთან საუბრისას. 

ცნობისთვის, წამების მსხვერპლთა ფსიქოლოგიური რეაბილიტაციის ცენტრმა "ემპათიამ" მესამე პრეზიდენტის ჯანმრთელობის მდგომარეობაზე 194-გვერდიანი დასკვნა დღეს გამოაქვეყნა.

დასკვნაში წერია, რომ სააკაშვილს აღენიშნება 20-ზე მეტი დიაგნოზი თუ სიმპტომო-კომპლექსი, აქედან წამყვანია, დაახლოებით, 10 დიაგნოზი, რაც შეუთავსებელს ხდის პატიმრობას. ცენტრი ძირითად დიაგნოზებს ამ ეტაპზე არ ასაჯაროვებს.

ცენტრის ცნობით, "ემპათიას" სასამართლო საექსპერტო კომისიამ კომისიური სასამართლო სამედიცინო ექსპერტიზა „სტამბოლის პროტოკოლის“ პრინციპების, ჯანდაცვის საერთაშორისო და ეროვნული კანონმდებლობის შესაბამისად, 10 ქართველი და 6 საერთაშორისო ექსპერტის მონაწილეობით ჩაატარა.

ექსპერტიზა 2022 წლის 1-ლი ივნისიდან, 28 ნოემბრამდე მიმდინარეობდა.

ავტორი: ექსპრესნიუსი,

სოციალური ქსელები

კობახიძე - ყველანაირი ფასი აქვს დაკარგული ევროპარლამენტის რეზოლუციებს

კობახიძე - სიძულვილის ენის წინააღმდეგ ბრძოლის სამმართველო შეასრულებს განსაკუთრებულ როლს, რომ თავი დავიცვათ სიძულვილისგან, აგრესიისგან

სიკორსკი ზელენსკიზე ორდენის ჩამორთმევაზე - ისტორიულ-ორდენების ომის გამარჯვებული შეიძლება იყოს მხოლოდ მოსკოვი

ტუსკი ზელენსკითვის თეთრი არწივის ორდენის ჩამორთმევაზე - პუტინს ახარებს და შოკში აგდებს ჩვენს მოკავშირეებს