ისეთებს აკეთებთ პარტიაში, წნევიანი გახადეთ რომან გოცირიძე, თორემ ჯანმრთელი კაცი შემოვიდა პარლამენტში, - ასე მიმართა "ქართული ოცნების" დეპუტატმა, ირაკლი ზარქუამ „ნაციონალური მოძრაობის“ წევრებს პარლამენტის პლენარულ სხდომაზე.

ზარქუამ, სიტყვით გამოსვლისას, მმართველი პოლიტიკური პარტიის თავმჯდომარეზე გაკეთებული განცხადებისთვის "ნაცმოძრაობის" წევრი, გიორგი ბოტკოველიც გააკრიტიკა.

„გიორგი ბოტკოველმა ირაკლი კობახიძეზე თქვა ე.წ. თავმჯდომარეო. ირაკლი კობახიძე, რომელიც სწავლობდა გერმანიაში და დისერტაცია, დაიცვა გერმანიაში, საქართველოს კონსტიტუციის ერთ-ერთი ავტორია, რომელიც შეფასებულია ევროპელების მხრიდან ერთ-ერთ საუკეთესოდ. და ამბობს ვინ, ბოტკოველი, რომლის პარტიაშიც ერთმანეთს თავმჯდომარეობაზე ეცილებიან „ხაბე“ და ხმლიანი ქალის რომ ეშინია, ჭიაბერაშვილი. ამიტომაც არის, რომან გოცირიძეს წნევა რომ აწუხებს მერე და დარბის, თორემ ჯანმრთელი კაცი შემოვიდა პარლამენტში. ასეთებს რომ აკეთებთ იმ თქვენს პარტიაში, წნევიანი გახადეთ ის კაცი. კარგით, იქით იყოს თქვენი შიდა სამზარეულო, უბრალოდ ბოტკოველი რომ იტყვის კობახიძეზე ამას, ვერ გავატარებდი“, - განაცხადა ირაკლი ზარქუამ. 

ცნობისთვის, პარლამენტის პლენარულ სხდომაზე სიტყვით გამოსვლისას "ნაციონალური მოძრაობის" დეპუტატმა, გიორგი ბოტკოველმა "ქართულ ოცნებასა" და მის თავმჯდომარეს მიმართა და თქვა, რომ მმართველი პარტია საქართველოს ზიზღით ვერ კმაყოფილდება და ქვეყნის პარტნიორებსაც ებრძვის.

"ქართული ოცნების" ე.წ. თავმჯდომარის გამოსვლა რას გულისხმობს? ეს გულისხმობს ზიზღს არა მარტო მიხეილ სააკაშვილის მიმართ, არამედ ამ ქვეყნის მიმართ და მისი განვითარების მიმართ. საქართველოს ზიზღით ვერ კმაყოფილდებით და ებრძვით ჩვენს პარტნიორებს, ჩვენს მეგობრებს და მათ მიმართაც ზიზღს გამოხატავთ", - მიმართა გიორგი ბოტკოველმა "ქართული ოცნების" წევრებს.

ავტორი: ექსპრესნიუსი,

სოციალური ქსელები

კობახიძე - ყველანაირი ფასი აქვს დაკარგული ევროპარლამენტის რეზოლუციებს

კობახიძე - სიძულვილის ენის წინააღმდეგ ბრძოლის სამმართველო შეასრულებს განსაკუთრებულ როლს, რომ თავი დავიცვათ სიძულვილისგან, აგრესიისგან

სიკორსკი ზელენსკიზე ორდენის ჩამორთმევაზე - ისტორიულ-ორდენების ომის გამარჯვებული შეიძლება იყოს მხოლოდ მოსკოვი

ტუსკი ზელენსკითვის თეთრი არწივის ორდენის ჩამორთმევაზე - პუტინს ახარებს და შოკში აგდებს ჩვენს მოკავშირეებს