უკრაინის უსაფრთხოების სამსახურმა კიევის წმინდა მიძინების კიევ-პეჩორის ლავრაში, კორეცკის წმინდა სამების მონასტერსა და რივნეს რეგიონში, სარნენსკო-პოლისკის ეპარქიის შენობაში კონტრდაზვერვითი მოქმედებები დაასრულა.

უკრაინული მედია СБУ-ს პრესცენტრზე დაყრდნობით წერს, რომ აღმოჩენილია პრორუსული ლიტერატურა, რომელიც გამოიყენება სემინარიასა და სამრევლო სკოლებში ტრენინგის დროს, მათ შორის „რუსული სამყაროს“ პროპაგანდისთვის; ასევე აღმოჩენილია ფული - 2 მილიონზე მეტი გრივნა, 100 ათას დოლარზე მეტი და რამდენიმე ათასი რუსული რუბლი.

უსაფრთხოების სამსახურის ინფორმაციით, ღონისძიებების ფარგლებში, სულ 350-ზე მეტი ეკლესიის შენობა და 850 ადამიანი შემოწმდა. 50-ზე მეტმა ადამიანმა გაიარა პოლიგრაფიული ტესტი. СБУ-ს ცნობით, მათ შორის იყვნენ არა მხოლოდ უკრაინის მოქალაქეები, არამედ უცხოელები, კერძოდ, რუსეთის ფედერაციის მოქალაქეები, რომლებიც ობიექტების ტერიტორიაზე იმყოფებოდნენ.

"ზოგიერთმა მათგანმა საბუთების შემოწმებისას სსრკ-ის პასპორტები და სამხედრო ბილეთები წარადგინა, მათ საერთოდ არ ჰქონდათ დოკუმენტების ორიგინალი, არამედ მხოლოდ მათი ასლები, ან ჰქონდათ უკრაინის მოქალაქეების პასპორტები გაყალბების ან დაზიანების ნიშნებით“, - ნათქვამია ანგარიშში. 

უსაფრთხოების სამსახური ასევე აცხადებს, რომ კიევ-პეჩორის ლავრის ტერიტორიაზე იმყოფებოდა 32 წლის უკრაინელი, რომელიც პრორუსულ საინფორმაციო სააგენტო „ანტვანში“ მუშაობდა.

„ის არის ამავე სახელწოდების რუსული კომპანიის ANTVAN GROUP-ის მფლობელის - რუსეთის ფედერაციის მოქალაქე ო.ვ.ორლოვის ნდობით აღჭურვილი პირი, რომელიც უკრაინაში არაერთ მიწის ნაკვეთსა და საზოგადოებრივი კვების დაწესებულებას ფლობდა. ამ დროისთვის ეს ქონება სისხლის სამართლის პროცესის ფარგლებში დაყადაღებულია“, - განაცხადეს სამართალდამცველებმა.

ცნობისთვის, უკრაინის უსაფრთხოების სამსახურმა კიევ-პეჩორის ლავრასა და სხვა მონასტრებში ჩხრეკა გუშინ დაიწყო. აღნიშნულს უკვე გამოეხმაურა კრემლი და ლავრაში ჩხრეკას რუსულ მართლმადიდებლობასთან ომი უწოდა.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა