კანადის მთავრობამ გამოუშვა სახელმწიფო ობლიგაციები, რომელთა გაყიდვიდან შემოსული თანხა უკრაინას გადაეცემა. ამის შესახებ ინფორმაციას კანადის ფინანსთა სამინისტრო ავრცელებს.

„იმისთვის, რომ კანადელებს მიეცეთ საშუალება, პირდაპირ მხარი დაუჭირონ უკრაინის მამაც ხალხს, კანადის მთავრობა დღეს „უკრაინის სუვერენიტეტის“ 500 მილიონი დოლარის ოდენობის ობლიგაციებს გამოუშვებს“, - ნათქვამია განცხადებაში. 

უწყების ცნობით, ობლიგაციების გამოშვების ინიციატივა კანადის პრემიერ-მინისტრმა ჯასტინ ტრუდომ გასულ თვეში, უკრაინელების კონგრესში მონაწილეობისას გამოაცხადა.

"თანხები დაეხმარება უკრაინის მთავრობას, გააგრძელოს უკრაინელებისთვის მნიშვნელოვანი სერვისები ამ ზამთარში, პენსიების გადახდა, საწვავის შესყიდვა და ენერგეტიკული ინფრასტრუქტურის აღდგენა", - ამბობს ტრუდო. .

ყველა მსურველ კანადელს, ისევე როგორც უცხოელებს, შეუძლიათ შეიძინონ სახელმწიფო ობლიგაციები.

„კანადელები, რომლებიც შეიძენენ ამ ფასიან ქაღალდებს, დე ფაქტო შეიძენენ ხუთწლიან ჩვეულებრივ კანადურ სახელმწიფო ობლიგაციებს ეფექტური საპროცენტო განაკვეთით 3.3%, რაც დამოკიდებული იქნება ბაზრის პირობებზე ტრანზაქციის დროს. კანადელებს შეუძლიათ დარწმუნებულნი იყვნენ თავიანთი ინვესტიციების უსაფრთხოებაში, რაც სრულად არის დაცული კანადის AAA საკრედიტო რეიტინგით“, - განმარტა სამინისტრომ.

ობლიგაციების გაყიდვიდან მიღებული ყველა თანხა კანადის მთავრობა გადაირიცხება სავალუტო ფონდის სპეციალურ ანგარიშზე. 

ცნობისთვის, ომის დაწყებიდან დღემდე, კანადამ უკრაინას უკვე 2 მილიარდი დოლარის ფინანსური დახმარება გაუწია, რაც ერთ სულ მოსახლეზე ერთ-ერთი ყველაზე მაღალი მაჩვენებელია მსოფლიოში. გარდა ამისა, კანადამ კიდევ 2,5 მილიარდი დოლარი გამოყო სამხედრო, ჰუმანიტარული და სხვა სახის დახმარების სახით.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა