უკრაინის ენერგეტიკული სისტემის თითქმის 50% გამორთულია რუსული სარაკეტო დარტყმების შედეგად, - ამის შესახებ, უკრაინის პრემიერ-მინისტრმა დენის შმიგალმა ბრიფინგზე განაცხადა.

„სამწუხაროდ, რუსეთი აგრძელებს სარაკეტო დარტყმებს უკრაინის კრიტიკულ სამოქალაქო ინფრასტრუქტურაზე, ებრძვის მშვიდობიან მოსახლეობას  და ართმევს მათ შუქს, წყალს, სითბოს და კომუნიკაციებს ზამთრის პერიოდში. მხოლოდ 15 ნოემბერს რუსეთმა 100-მდე რაკეტა გაისროლა უკრაინის ქალაქებს მისამართით. ჩვენი ენერგეტიკული სისტემის თითქმის ნახევარი გამორთულია“, - ციტირებს უკრინფორი უკრაინის პრემიერს.

10 ოქტომბრიდან რუსეთის თავდაცვის სამინისტრო რეგულარულად ახორციელებს სარაკეტო თავდასხმებს უკრაინაში სამხედრო და ენერგეტიკულ ობიექტებზე და ამას უწოდებს პასუხს 8 ოქტომბერს ქერჩის სრუტეში ყირიმის ხიდზე მომხდარ აფეთქებაზე.

როგორც უკრაინის ხელისუფლებამ განაცხადა, 15 ნოემბერს რუსეთმა ომის დაწყების შემდეგ ყველაზე მასიური დარტყმა მიაყენა ქვეყნის ენერგეტიკულ სექტორს. უკრაინაში დაბომბვის ფონზე მოძრავი ჩაქრობა მიმდინარეობს. რუსეთის ფედერაციის პრეზიდენტის პრესმდივანმა დიმიტრი პესკოვმა უკრაინის ბევრ რეგიონში ელექტროენერგიის და სითბოს ნაკლებობა უწოდა კიევის ხელისუფლების ქმედებების შედეგი, მათ შორის მოლაპარაკებებზე უარს.

ავტორი: ექსპრესნიუსი,

სოციალური ქსელები

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა

პირმა წარსულში არსებული დავის ნიადაგზე 2 კაცი მოკლა

ახმეტაში, შვილის გადარჩენის მცდელობისას მამაკაცი ტბაში დაიხრჩო

ბრიტანეთმა რუსული „ჩრდილოვანი ფლოტის“ ტანკერი დააკავა