მოსკოვისა და სრულიად რუსეთის პატრიარქმა კირილემ აღმოსავლეთის ასურეთის ეკლესიის კათოლიკოს-პატრიარქთან მარ ავა III-თან შეხვედრაზე განაცხადა, რომ ევროკავშირში არ შეუშვეს. 

როგორც პროპაგანდისტული მედია Ria Novosti წერს, რუსეთის პატრიარქიმა აღნიშნულ გადაწყვეტილებას უპრეცედენტო უწოდა.

„მიღებული იქნა უპრეცედენტო გადაწყვეტილება: არ შეუშვან პატრიარქი ევროკავშირის ტერიტორიაზე. ეს არ მომხდარა არც ცივი ომის დროს. ჩნდება კითხვა: რატომ? ისინი მართლები არიან და თუ მე ვცდები, დამპატიჟეთ ტელევიზიაში, შემომიერთდით დიალოგში, დაამტკიცეთ თქვენი აზრი- ამის ეშინიათ, რადგან მათ ძალიან სუსტი პოზიცია აქვთ - ზოგადად, იზოლაციონიზმის პოზიცია ყოველთვის სუსტია და ჩვენ ღია ვართ კომუნიკაციისთვის მათთან, ვინც გვიყვარს და მათთან, ვინც არ გვიყვარს“, - განაცხადა პატრიარქმა კირილემ.

მისი თქმით, ცივი ომის დროს შეერთებულ შტატებსა და საბჭოთა კავშირს შორის ნაკლები შეთანხმება იყო, ვიდრე ახლა, ”მაგრამ კონტაქტები არ იყო შეზღუდული".

"დასავლეთი ცდილობს შეზღუდოს ჩვენი ეკლესიის კონტაქტები დასავლელ პარტნიორებთან.  მნიშვნელოვანი ძალისხმევა კეთდება, რათა შეზღუდოს ჩვენი ეკლესიის შესაძლებლობა, ჰქონდეს დიალოგი დასავლურ ეკლესიებთან", - დასძინა რუსეთის მართლმადიდებელი ეკლესიის წინამძღვარმა. 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს