რუსეთის თავდაცვის სამინისტრო პოლონეთში მომხდარ აფეთქებას ეხმიანება და აცხადებს, რომ რაკეტა, რომელიც უკრაინის საზღვრის მახლობლად სოფელ პრჟევოდოვში ჩამოვარდა, უკრაინის საჰაერო თავდაცვამ ჩამოაგდო.

უწყების მტკიცებით, რუსეთის დარტყმები მხოლოდ უკრაინის ტერიტორიაზე მდებარე სამიზნეებს ხვდება და უახლოესი სამიზნე უკრაინა-პოლონეთის საზღვრიდან სულ მცირე 35 კილომეტრის დაშორებით მდებარეობს. 

„ნანგრევების ფოტოებიდან რუსი სამხედრო ექსპერტების მიერ ცალსახად იქნა იდენტიფიცირებული უკრაინული S-300 საჰაერო თავდაცვის სისტემის მართვადი საზენიტო რაკეტის ფრაგმენტები“, - განაცხადა თავდაცვის სამინისტროს სპიკერმა, იგორ კონაშენკოვმა.

ცნობისთვის, 15 ნოემბერს, უკრაინის ტერიტორიაზე მიმდინარე მასიური სარაკეტო თავდასხმისას, პოლონეთში 2 რუსული რაკეტა ჩამოვარდა, რის შედეგადაც ორი ადამიანი დაიღუპა. შემთხვევა უკრაინის საზღვრიდან 65 კილომეტრში მდებარე ფერმაში მოხდა.

პოლონეთის საგარეო საქმეთა სამინისტრომ დაადასტურა ქვეყნის ტერიტორიაზე რუსული რაკეტის ჩამოვარდნა და გამოიძახა რუსეთის ფედერაციის ელჩი. ამავე დროს, პოლონეთის პრეზიდენტმა დუდამ განაცხადა, რომ ამჟამად არ არსებობს „დამაჯერებელი მტკიცებულება იმის შესახებ, თუ ვინ გაუშვა ეს რაკეტა“.

რუსეთის ფედერაციის თავდაცვის სამინისტრო ტრადიციულად უარყოფს თავდასხმაში მონაწილეობას.

პოლონეთის მოთხოვნით, ნატო-ს ელჩები, 16 ნოემბერს, ალიანსის მე-4 მუხლის საფუძველზე, შეხვდრას გამართავენ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს