ვაკის რაიონში, ვაჟა-ფშაველას II კვარტალში ახალი დასასვენებელი სივრცეები მოეწყო.  ადგილობრივი მოსახლეობის სურვილით, N14 და N19 კორპუსების ტერიტორიებზე არსებული რამდენიმე ავტოფარეხის დემონტაჟის შედეგად სკვერების სივრცეების ფართობი გაიზარდა.

თბილისის მერიის ცნობით, პირველ ეტაპზე, N14 კორპუსის მიმდებარე ტერიტორია ხუთი უსარგებლო ავტოფარეხისგან გათავისუფლდა, შემდეგ დაახლოებით, 1 155 კვ. მ ფართობზე დასასვენებელი სივრცე კეთილმოეწყო, განთავსდა საბავშვო-გასართობი ზონა, მოეწყო საფეხმავლო ბილიკი, რომელიც ფილებით მოპირკეთდა, დამონტაჟდა შესაბამისი საპარკე ინფრასტრუქტურა, დაირგო მცენარეები. სკვერის პროექტის ღირებულება 247 000 ლარს შეადგენს.

რაც შეეხება N19 კორპუსის მიმდებარე სივრცეს, აქ  17 ავტოფარეხის დემონტაჟი მოხდა. ტერიტორიის ნაწილზე გამწვანებული სივრცე და სპორტული მოედანი მოეწყო, ნაწილზე კი, ადგილობრივების სურვილით,  ავტოსადგომი დარჩა.

ტერიტორიაზე განთავსდა კალათბურთის მინი სტადიონი, საფეხმავლო ბილიკი მოპირკეთდა ფილებით, დამონტაჟდა განათების ქსელი, მოეწყო ღობე. მიმდებარე ტერიტორიაზე მიმდინარეობს საგზაო ინფრასტრუქტურის მოწყობა. სკვერის პროექტის ღირებულება 180 000 ლარს შეადგენს.

ადგილობრივ მოსახლეობას ვაკის რაიონის გამგებელი დავით კვინიკაძე მერის მოადგილე კახა გულედანთან, საკრებულოს თავმჯდომარე, მაჟორიტარ დეპუტატთან საკრებულოში გიორგი ტყემალაძესთან და რაიონის მაჟორიტარ დეპუტატთან პარლამენტში ნოდარ ტურძელაძესთან ერთად შეხვდა.

ავტორი: NS (სტატია დაფინანსებულია),

სოციალური ქსელები

საქართველოში უფრო მეტი ადამიანი დაუსაქმებელი რჩება, დასაქმების დონე 0.2 პროცენტული პუნქტით შემცირდა

მეუფე იოანე - აშკარაა, რომ გამოცდილება მეუფე შიომ მიიღო უშუალოდ პატრიარქთან ურთიერთობისას

მეუფე ანდრია - 3 კანდიდატია და სამივე მოსალოდნელია პატრიარქი გახდეს

ბაზისბანკის მხარდაჭერით ახალი მასშტაბური კომპლექსი EZO კოლოსისგან შენდება