რადამ უკრაინის ფინანსური სისტემის რუსეთის ქმედებებისგან დასაცავად კანონი მიიღო

2022-11-04 16:34:58, 1431 ნახვა

მსოფლიო

რადამ უკრაინის ფინანსური სისტემის რუსეთის ფედერაციის ქმედებებისგან დასაცავად კანონი მიიღო. აღნიშნული ინფორმაცია უკრაინის სახალხო დეპუტატმა, იაროსლავ ჟელეზნიაკმა Telegram-ზე გაავრცელა.

მისი განცხადებით, დოკუმენტმა, საერთო ჯამში, 316 სახალხო დეპუტატის მხარდაჭერა მოიპოვა.

ჟელეზნიაკის თქმით, კანონპროექტი ითვალისწინებს შემდეგს:

რუსეთის ფედერაციის მოქალაქე პირთა პირველადი ფინანსური მონიტორინგის სუბიექტების ხელმძღვანელობასა და მართვაში მიუღებლობა;

მაღალი რისკის მქონე კლიენტების სიის გაფართოება მოქალაქეებისა და იურიდიული პირების მიერ, რომლებიც არიან რუსეთის ფედერაციის რეზიდენტები და/ან რომელთა საქმიანობა დაკავშირებულია მასთან;

პირველადი ფინანსური მონიტორინგის სუბიექტებისთვის ვალდებულების დაწესება ფინანსური მონიტორინგის სახელმწიფო სამსახურში რუსეთის ფედერაციასთან დაკავშირებულ სუბიექტებთან ზღვრული ტრანზაქციების შესახებ ანგარიშის წარდგენის შესახებ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,