ნიკა გვარამია იქნება თავისუფალი იმ ბორკილებისგან, რომელიც ბიძინა ივანიშვილმა დაადო, - ასე გამოეხმაურა "ფორმულას" ჟურნალისტი ვახო სანაია თბილისის სააპელაციო სასამართლოს გადაწყვეტილებას, ნიკა გვარამიას პატიმრობაში დატოვებაზე.

როგორც სანაიამ განაცხადა,რეჟიმთან ბრძოლა და წინააღმდეგობის გაწევა არის არსებითად მნიშვნელოვანი და მას სწამს, რომ ნებისმიერი აქტიურობა საბოლოოდ გამოიღებს შედეგს.

"ხელისუფლება მარწუხებს უფრო მოუჭერს თუკი არ იქნება ჩვენი წინააღმდეგობა.ჩვენი წინააღმდეგობა არის ძალიან მნიშვნელოვანი,აქტიურობა არის ძალიან მნიშვნელოვანი,არაფერი არ იკარგება,ნებისმიერ აქტიურობას საბოლოოდ აქვს ფასი.ჩვენ ყველამ უნდა გავაცნობიეროთ რა რეჟიმის პირობებში გვიწევს ცხოვრება და გადარჩენისთვის ბრძოლა,ყველანაირი ილუზიები უნდა იყოს გვერდით გადადებული და ჩვენ მუდმივად უნდა ვმოქმედებდეთ,ნიკა გვარამია იქნება თავისუფალი ეს არის გარდაუვალი,მაგრამ ამას სჭირდება ჩვენი თავდაუზოგავი ბრძოლა,ეს ბრძოლა კი დამთავრდება ჩვენი გამარჯვებით" - განაცხადა სანაიამ.

ცნობისთვის, თბილისის სააპელაციო სასამართლომ „მთავარი არხის“ გენერალური დირექტორი, ნიკა გვარამია პატიმრობაში დატოვა. მოსამართლეთა კოლეგიამ მერაბ ჯორბენაძის, ლავრენტი მაღლაკელიძისა და დავით მამისეიშვილის შემადგენლობით, სასამართლოს გადაწყვეტილება , რომელიც გვარამიას სამსახურებრივი უფლებამოსილების ბოროტად გამოყენებას ედავებოდა, ძალაში დატოვა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია