რანაირად გიპასუხო, შტერობაა ეს რაც იკითხე ახლა, შტერობაა კითხვა და თუ მიიღებ, მაშინ შენც გეხება,- ასე უპასუხა "ქართული ოცნების" დეპუტატმა, ირაკლი ზარქუამ ჟურნალისტის შეკითხვას "არის თუ არა ბიძინა ივანიშვილი ოლიგარქი?" 

 ზარქუას თქმით, "ამ შტერობა" შეკითხვას მხოლოდ "ნაციონალური მოძრაობის" პოლიტიკური პარტნიორები სვამენ, როგორიცაა რასა იუკნევიჩიენე და ანდრიუს კუბილიუსი. 

ირაკლი ზარქუამ ხაზგასმით აღნიშნა, რომ ბიძინა ივანიშვილის დეოლიგარქიზაციის კანონი არ შეეხება, რადგად ის "მეცენატი და ქველმოქმედია". 

"რანაირად გიპასუხო, შტერობაა ეს რაც იკითხე ახლა. არა, არავინ არ საუბრობს, არა, შტერობაა. შტერობაა კითხვა და თუ მიიღებ, მაშინ შენც გეხება ესე იგი.  შტერობაა ამ კითხვას რომ სვამ, არსად, არავინ არ კითხულობს,  ერთი არის ქალბატონი რასა, რომელიც არის პირდაპირ პოლიტიკური პარტნიორ "ნაციონალური მოძრაობის" და ფასიანი ლობისტი, გინდა ეს მათქმევინო? აგერ მიიღე, ოღონდ არ შემაწყვეტინო, მეორე არის კუბილიუსი, რომელიც არის ჩვეულებრივი პარტიის წევრი "ნაცმოძრაობის" და ეს ორი თუ სამი ადამიანი კითხულობს და ებრძვის ბიძინას. ბიძინა არის ქველმოქმედი, არის ის ადამიანი, რომელსაც უყვარს თავისი ქვეყანა და თავისი გადაწყვეტილებით გაემიჯნა პოლიტიკას, აქედან გამომდინარე ვერ შეეხება", - განაცხადა  ზარქუამ. 

შეგახსენებთ, რომ დღეს, საქართველოს პარლამენტში „დეოლიგარქიზაციის შესახებ" კანონპროექტს განიხილავენ.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია