რუსული სარაკეტო თავდასხმების გამო, რამაც უკრაინის ელექტრო ქსელები სერიოზულად დააზიანა, კიევი იძულებული გახდა 11 ოქტომბრიდან ელექტროენერგიის ექსპორტი შეეწყვიტა.

უმაღლესი რადას ენერგეტიკის კომიტეტის თავმჯდომარე ანდრეი გერუსმა განაცხადა, რომ ეს აუცილებელია უკრაინის ენერგოსისტემის სტაბილიზაციისთვის.

"უპირველეს ყოვლისა, ჩვენ უნდა მივაწოდოთ ეს ელექტროენერგია უკრაინელ მომხმარებელს, თუნდაც წყვეტილი, მაგრამ ისე, რომ დღის უმეტეს საათებში ჩვენს მომხმარებელს ჰქონდეს ელექტროენერგია. და ეს არის ნომერ პირველი პრიორიტეტი, რადგან ეს უკვე უსაფრთხოების საკითხია", - განაცხადა გერუსმა. 

ამასთან, მისი თქმით, უკრაინა არც ელექტროენერგიის იმპორტს გეგმავს.

გერუსმა დასძინა, რომ უკრაინას ექსპორტის შეწყვეტასთან დაკავშირებით ჯარიმები არ ემუქრება.

"არავითარი ჯარიმა არ დაწესდება. ჯარიმები და, იმედი მაქვს, რეპარაციები დაწესდება რუსეთის ფედერაციაზე", - განაცხადა ანდრეი გერუსმა.

მანამდე უკრაინის ხელისუფლებამ განაცხადა, რომ მათ შეეძლოთ ნაწილობრივ აუნაზღაურონ ევროპას რუსული ენერგომატარებლების დანაკარგი ელექტროენერგიით მიწოდებით.

ავტორი: ექსპრესნიუსი,

სოციალური ქსელები

სასკოლო ფორმებზე 45 მილიონამდე ლარის ღირებულების გამარტივებული შესყიდვა გამოცხადდა

ივანიშვილის პარლამენტმა სახელმწიფო მინისტრის თანამდებობის შემოღებას მხარი დაუჭირა

გაერო: აშშ-ისრაელის საბრძოლო მოქმედებების დაწყებიდან, ირანში 21 ადამიანი სიკვდილით დასაჯეს

ხაბაროვსკის მხარეში ბუჩას ხოცვა-ჟლეტაში მონაწილე გენერლის აფეთქების მცდელობა იყო