ზამთარი რთული იქნება, თუმცა იმისთვის, რომ ის გადავლახოთ, ჩვენ ვაგროვებთ გაზს, ქვანახშირს და ყველაფერს დანარჩენს, რაც აუცილებელია, - ამის შესახებ უკრაინის პრეზიდენტმა, ვოლოდიმირ ზელენსკიმ ყოველდღიურ ვიდეომიმართვაში განაცხადა.

ზელენსკის თქმით, ზამთრისთვის ასევე ემზადებიან ოკუპანტები და რაც უფრო გაიზრდება ზეწოლა რუსეთზე, ევროპაში ზამთრის პერიოდი მით უფრო უსაფრთხო იქნება.

"ჩვენ ვმუშაობთ, რომ მოვემზადოთ. მნიშვნელოვანია, რომ ასეთივე მომზადებულები ამ პერიოდს შეხვდნენ ჩვენი პარტნიორებიც. რაც უფრო მეტს გავაკეთებთ ერთად იმისთვის, რომ დავაახლოვოთ მშვიდობა, რაც უფრო გაიზრდება ჩვენი თანამშრომლობა და ზეწოლა რუსეთზე, მით უფრო უსაფრთხო იქნება ევროპაში ყველა ჩვენგანისთვის ზამთრის პერიოდი... მადლობა ყველას, ვინც იბრძვის და შრომობს ჩვენი გამარჯვებისთვის. მადლობა ყველას, ვინც უკრაინას ეხმარება და რუსეთზე ზეწოლას ახდენს მშვიდობისთვის. ჩვენ დარწმუნებული ვართ, რომ გავიმარჯვებთ“, – განაცხადა ზელენსკიმ ვიდეომიმართვაში.

ავტორი: ექსპრესნიუსი,

სოციალური ქსელები

პუტინის მეორე იახტამ რუსეთი დატოვა და თურქეთისკენ მიემართება

რუსეთში ბენზინის ფასმა პირველად გადააჭარბა 100 რუბლს ლიტრზე

რუსეთის მთავრობამ გადაწყვიტა, ბენზინის ფასების ზრდის შესახებ მონაცემები გაასაიდუმლოს

კობახიძემ ივანიშვილის დაფუძნებულ ე.წ ქუთაისის საუნივერსიტეტო ქალაქს ბიუჯეტიდან 106 530 ლარი გამოუყო