2022-10-03 15:21:33, 909 ნახვა
პოლიტიკა
დანიის ხელისუფლება - Nord Stream 1-ის გაზსადენზე ბუნებრივი აირის გაჟონვა შეწყდა
Nord Stream 1-ის გაზსადენზე ბუნებრივი აირის გაჟონვა შეწყდა. - ამის შესახებ ინფორმაციას დანიის ხელისუფლება ავრცელებს.
მათივე თქმით, გაჟონვა Nord Stream 2 მილსადენიდანიდანაც შეწყდა.
"Nord Stream 1-ის გაზსადენზე ბუნებრივი აირის გაჟონვა შეწყდა, გაჟონვა შეწყდა Nord Stream 2 მილსადენიდანიდანაც, ეს კი იმაზე მიუთითებს, რომ ბოლო ორი გაჟონვის შედეგად გაზის ამოფრქვევაც უკვე დასრულებულია". - ნათქვამია განცხადებაში.
შეგახსენებთ, რომ შვედეთის სანაპირო დაცვამ Nord Stream გაზსადენზე მეოთხე გაჟონვა აღმოაჩინა, შვედეთისა და დანიის მთავრობების თანახმად, გაჟონვა დაკავშირებული იყო მილებში აღმოჩენილ ნახვრეტებთან, რაც შეიძლება ყოფილიყო მიზანმიმართული აფეთქების შედეგი .
შვედეთის უსაფრთხოების სამსახურმა მოგვიანებით აღნიშნა, რომ ამის უკან "უცხო სახელმწიფო" დგას.
ავტორი: ექსპრესნიუსი,
epn.ge (@expressnews.ge)
