რუსმა ოკუპანტებმა ხარკოვის ოლქში ქალაქი ჩუგუევი დაბომბეს. თავდასხმის შედეგად 11 წლის გოგონა დაშავდა, რომელიც აავადმყოფოში მიყვანისთანავე გარდაიცვალა.

როგორც ხარკოვის რეგიონალური სამხედრო ადმინისტრაციის ხელმძღვანელმა, ოლეგ სინეგუბოვმა განაცხადა, ჩუგუევზე თავდასხმის შემდეგ კიდევ ერთი ქალი დაშავდა, მისი მდგომარეობა საშუალო სიმძიმისაა.

"რუსული ტერორისგან უდანაშაულო ბავშვი დაიღუპა. სამწუხაროდ, ჩუგუევის საავადმყოფოში გადაყვანილი 11 წლის გოგონა მიყენებული ჭრილობების შედეგად გარდაიცვალა", - განაცხადა მან.

შეგახსენებთ, რომ , ოკუპანტებმა ჩუგუევზე სარაკეტო იერიში დღეს, 17 სექტემბერს მიიტანეს.

წინასწარი მონაცემებით, დარტყმებმა კრიტიკული ინფრასტრუქტურა, კერძო სექტორი, საწარმო და ბენზინგასამართი სადგური დააზიანა.

ავტორი: ექსპრესნიუსი,

სოციალური ქსელები

ოდესაში, რუსული სამხედრო თავდასხმის შედეგად 16 ადამიანი დაშავდა

აშშ-ს სურს ჰორმუზის სრუტისთვის ახალი კოალიციის შექმნა - The Wall Street Journal

შსს-ს გენერალური ინსპექციის უფროსმა, დავით არჩვაძემ თანამდებობა დატოვა

ბოჭორიშვილი: მოსკოვის მექანიზმი პოლიტიკური მიზნებისთვის ამოქმედებული ინსტრუმენტია