ეს სიახლე რუსეთს დიდ ოპტიმიზმს არ მატებს,- ასე გამოეხმაურა რუსეთის დიქტატორის პრესმდივანი, დიმიტრი პესკოვი დიდი ბრიტანეთის პრემიერ-მინისტრის პოსტზე ლიზ ტრასის დანიშნვას.

მისი თქმით, ტრასის განცხადებები რუსეთთან მიმართებაში იყო აგრესიული, არამეგობრული და არაკონსტრუქციული.

„მას ჩვენზე კარგი არაფერი უთქვამს. უფრო მეტიც, სინანულით შეგვიძლია ვთქვათ, რომ მისი განცხადებები ჩვენს მიმართ იყო აგრესიული, არამეგობრული და არაკონსტრუქციული. აქედან გამომდინარე, შეგვიძლია ვივარაუდოთ, რომ უახლოეს მომავალში ბევრი არაფერი შეიცვლება",- განაცხადა პესკოვმა.

მისივე თქმით, მოსკოვი არ უარყოფს ლონდონთან ურთიერთობების გაუარესებას ბრიტანეთის „არაგონივრული“ და არაპროგნოზირებადი ნაბიჯების გამო.

„ჩვენ მზად უნდა ვიყოთ მოვლენების ნებისმიერი განვითარებისთვის“, - დასძინა პესკოვმა.

შეგახსენებთ, რომ გუშინ ცნობილი გახდა, რომ ბორის ჯონსონს პრემიერის პოსტზე ლიზ ტრასი შეცვლის.

ავტორი: ექსპრესნიუსი,

სოციალური ქსელები

კობახიძე 3 წლის შემდეგ აღიარებს, რომ სამართალდამცავები დემონსტრანტებზე ძალადობდნენ

პოლიციამ თბილისში დამამძიმებელ გარემოებებში ჩადენილი განზრახ მკვლელობის ბრალდებით ორი პირი დააკავა

ტრამპი იმედოვნებს, რომ უკრაინასა და რუსეთს შორის ცეცხლის შეწყვეტის შეთანხმება 11 მაისის შემდეგ გაგრძელდება

9 მაისი ევროპის დღეა - ექსპო-ჯორჯიაში ევროკავშირის 27 წევრი ქვეყნა გამოფენებებს აწყობს