2022-09-05 09:57:04, 1275 ნახვა
პოლიტიკა
ფოტიგა - უკრაინის გამარჯვება ასევე გადამწყვეტი იქნება საქართველოს ტერიტორიული მთლიანობის აღსადგენად
რუსეთის დაუსჯელობა, რომელიც 2008 წელს საქართველოში შეჭრას მოჰყვა, არის ერთ-ერთი ფაქტორი, რამაც საშუალება მისცა რუსეთს შეჭრილიყო უკრაინაში, - ამის შესახებ ევროპარლამენტარი ანა ფოტიგა სოციალურ ქსელში წერს.
მისი თქმით, უკრაინის გამარჯვება დონბასს და ყირიმს თავისუფლებას მოუტანს, მაგრამ ასევე გადამწყვეტი იქნება საქართველოს ტერიტორიული მთლიანობის აღსადგენად.
"რუსეთის დაუსჯელობა, რომელიც 2008 წელს საქართველოში შეჭრას მოჰყვა, არის ერთ-ერთი ფაქტორი, რამაც საშუალება მისცა რუსეთს შეჭრილიყო უკრაინაში. უკანონო საოკუპაციო ხაზზე ოძისში ვიყავი. უკრაინის გამარჯვება დონბასს და ყირიმს თავისუფლებას მოუტანს, მაგრამ ასევე გადამწყვეტი იქნება საქართველოს ტერიტორიული მთლიანობის აღსადგენად",- წერს ფოტიგა.
შეგახსენებთ, რომ უცხოელი დიპლომატები საქართველოში ორდღიანი საერთაშორისო კონფერენცია "დიდება უკრაინას!" ფარგლებში ჩამოვიდნენ.
ავტორი: ექსპრესნიუსი,
epn.ge (@expressnews.ge)
