2022-09-02 19:01:06, 1723 ნახვა

---

ზელენსკი - რუსეთს არ ესმის მშვიდობის სიტყვები, მაგრამ ის ძალიან კარგად გრძნობს ძალას ბრძოლის ველზე

რუსეთს არ ესმის მშვიდობის სიტყვები, მაგრამ ის ძალიან კარგად გრძნობს ძალას ბრძოლის ველზე. - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

მისივე თქმით, ვერცერთი კომპანიის რეპუტაცია ვერ გაუძლებს რადიაციულ დაავადებებს.

"რუსეთს არ ესმის მშვიდობის სიტყვები, მაგრამ ის ძალიან კარგად გრძნობს ძალას ბრძოლის ველზე... 
სიძლიერე ბიზნესშიც უნდა იყოს, განსაკუთრებით ევროპაში. ვერცერთი კომპანიის რეპუტაცია ვერ გაუძლებს რადიაციულ დაავადებებს. ამიტომ დაუყოვნებლივ უნდა გაწყვიტოთ ურთიერთობა რადიაციულ შანტაჟზე წასულ ქვეყანასთან და ნუ დაელოდებით კატასტროფებს". - ნათქვამია განცხადებაში.

შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი