რუსეთის ფედერაციის თავდაცვის სამინისტრომ დნეპროპეტროვსკის რაიონის სოფელ ჩაპლინოში მომხდარში მონაწილეობა აღიარა,- აღნიშნულის შესახებ ინფორმაციას „РИА Новости” ავრცელებს.

გამოცემის ცნობით, თავდაცვის სამინისტროში აცხადებენ, რომ სოფელ ჩაპლინოში ისკანდერის ტიპის რაკეტები გაუშვეს. 

„დნეპროპეტროვსკის ოლქში, ჩაპლინოს რკინიგზის სადგურზე სამხედრო ეშელონზე ისკანდერის რაკეტის პირდაპირი დარტყმის შედეგად, გარდაიცვალა უკრაინის შეიარაღებული ძალების რეზერვის 200-ზე მეტი სამხედრო მოსამსახურე, განადგურდა სამხედრო ტექნიკაც“,- აცხადებენ რუსეთის თავდაცვის სამინისტროში.

შეგახსენებთ, დღეს ცნობილი გახდა, რომ მაშველებმა დნეპროპეტროვსკის რაიონის სოფელ ჩაპლინოში სამძებრო სამუშაოები დაასრულეს, სადაც რუსეთის არმიამ რაკეტებით რკინიგზას დაარტყა.

რუსები ჩაპლინოს რამდენჯერმე დაესხნენ თავს. დღისით მტრის რაკეტამ კერძო სახლი გაანადგურა. მოგვიანებით ოკუპანტებმა კვლავ შეუტიეს დასახლებას - ჯერ ერთი რაკეტით, შემდეგ კი კიდევ სამი.

დაღუპულთა რიცხვი 25-მდე გაიზარდა, მათგან ორი ბავშვია. გარდაცვლილებსა და დაშავებულებს შორის არიან რკინიგზის მუშები.

ავტორი: ექსპრესნიუსი,

სოციალური ქსელები

მომავლის აკადემია: TV იმედს ComCom-თან ისევ ვუჩივით, მოვითხოვთ პასუხისმგებლობის დაკისრებას

გიგა ავალიანის დედას ნია იმნაძის ოჯახს სამედიცინო დოკუმენტების გაყალბებაში ადანაშაულებს

არაბულ კომპანიასთან გაფორმებული ხელშეკრულების გამო, ქართულ ოცნებას სასამართლოში უჩივლებენ

ევროპარლამენტმა კენჭი უყარა რეზოლუციას პუტინისთვის ტრიბუნალის შექმნის შესახებ