|
2022-08-11 12:18:17, 1486 ნახვა
ომი უკრაინაში
კულება - რუსეთი გახდა ყველაზე დიდი ტერორისტული ორგანიზაცია მსოფლიოში
რუსეთი გახდა ყველაზე დიდი ტერორისტული ორგანიზაცია მსოფლიოში. აგრესორი ქვეყანა საფრთხეს უქმნის არა მხოლოდ უკრაინას, არამედ სხვა სახელმწიფოებსაც,- ამის შესახებ უკრაინის საგარეო საქმეთა მინისტრმა დიმიტრო კულებამ განაცხადა. მისი თქმით, ექვს თვეზე ნაკლებ დროში რუსებმა ჩაიდინეს საერთაშორისო დანაშაულების მთელი რიგი ჩაიდინეს. „გენოციდმა, კაცობრიობის წინააღმდეგ ჩადენილმა დანაშაულებმა, ომის დანაშაულებმა და აგრესიამ, გამოაჩინა რუსეთის ბარბაროსული სახე“,- განაცხადა კულებამ. მისივე თქმით, „ტერორიზმი“ განმარტებულია, როგორც უდანაშაულო ადამიანების მკვლელობა დანარჩენი საზოგადოების ან საზოგადოების დაშინების მიზნით, ამიტომ რუსეთის ქმედებები 100%-ით შეესაბამება ამ განმარტებას. „მუდმივი სარაკეტო თავდასხმები მშვიდობიან მოსახლეობაზე, ხარკოვის, ნიკოლაევის და სხვა ქალაქებისა და საცხოვრებელი უბნების ბარბაროსული დაბომბვა. საბავშვო ბაღების, სკოლების, საავადმყოფოების, ინფრასტრუქტურის მიზანმიმართული დაბომბვა, ეს ყველაფერი უკრაინელების წინააღმდეგ დროებით ოკუპირებულ ტერიტორიებზე რუსეთის ტერორია. როგორც პრეზიდენტმა ზელენსკიმ თქვა, თანამედროვე რუსეთი გახდა ყველაზე დიდი ტერორისტული ორგანიზაცია მსოფლიოში. ტერორისტული პუტინის რეჟიმი საფრთხეს უქმნის არა მხოლოდ უკრაინას, არამედ მთელ ევროპასა და მსოფლიოს. ამიტომ, საჭოროა ამის აღიარება და მისი დაუყოვნებლივ იზოლაცია“,- დასძინა კულებამ. შეგახსენებთ, რომ ცოტა ხნის წინ აშშ-ის სენატმა დაამტკიცა რუსეთის ტერორიზმის სპონსორ სახელმწიფოდ აღიარება. ამასთან, მანამდე პრეზიდენტმა ზელენსკიმ უკვე განაცხადა, რომ ადრე თუ გვიან თავისუფალ სამყაროს მოუწევს რუსეთის ტერორისტულ ქვეყნად აღიარება საკუთარი დაცვისთვის.
|
რედაქტორის რჩევით
რატომ შეხვდნენ ოცნების მინისტრები, ჩინეთის ინტერნეტის ცენზორს
რეპრესიების არქიტექტურა – სამოქალაქო საზოგადოების გამოწვევები ავტორიტარული ტენდენციების პირობებში
ომი უკრაინაში
ოდესაში, რუსული სამხედრო თავდასხმის შედეგად 16 ადამიანი დაშავდა
ტრამპთან უთანხმოების გამო, უკრაინაში ერთ წელიწადში აშშ-ის მეორე ელჩი თანამდებობას დატოვებს
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ექსპრესნიუსი,



epn.ge (@expressnews.ge)