2022-08-08 13:07:04, 1206 ნახვა
საზოგადოება
ამირან გამყრელიძე თანამდებობას ტოვებს
დაავადებათა კონტროლის ეროვნული ცენტრის დირექტორი, ამირან გამყრელიძე თანამდებობას ტოვებს. ამის შესახებ ინფორმაცია მან ჟურნალისტებთან საუბრისას დაადასტურა.
მისი თქმით, დღეს იქნება შეხვედრა სამინისტროში, სადაც განიხილება საკითხები, რათა მოხდეს ყველაფრის "ხავერდოვნად გადაბარება".
"ნამდვილად მივდივარ. დღეს იქნება შეხვედრა სამინისტროში და გავივლით იმ საკითხებს, რაც ეხება ყველაფრის ხავერდოვნად გადაბარებას. მოგეხსენებათ, ჩვენი ცენტრი ერთ-ერთი წამყვანი დაწესებულებაა, აქ ძალიან ბევრი საქმე კეთდება და ეს საქმე რომ არ იყოს მიშვებული, დავსახავთ გეგმას გარდამავალი პერიოდის და ამის შემდეგ მე ვტოვებ პოსტს", - განაცხადა გამყრელიძემ.
ავტორი: ექსპრესნიუსი,
epn.ge (@expressnews.ge)
