2022-07-21 17:19:26, 905 ნახვა
პოლიტიკა
გლდანის რაიონში არაერთი ქუჩის რეაბილიტაცია განხორციელდა
გლდანის რაიონის გამგეობამ, ექვსი თვის განმავლობაში, საგზაო ინფრასტრუქტურა 55 521 კვ.მ ფართობზე მოაწესრიგა. შესაბამისი სამუშაოები განხორციელდა როგორც ქუჩებზე, ასევე, ჩიხებსა და შიდა ეზოებში. - ამის შესახებ თბილისის მერიამ განაცხადა.
მათ შორის, სამუშაოები ჩატარდა საზანოსა და ჟვანიას დამაკავშირებელ მონაკვეთზე, ფარსმან II ქველის, იაკობის, კორინთასა და კლარა კვეესის ქუჩებზე, ასევე, მარინა ტაბატაძის ქუჩასა და მიმდებარე ჩიხებში.
საგზაო ინფრასტრუქტურის მოწესრიგებისთვის გლდანის რაიონის გამგეობის ბიუჯეტიდან ექვსი თვის განმავლობაში განხორციელებული სამუშაოებისთვის 3 544 927 ლარი დაიხარჯა.
ავტორი: NS (სტატია დაფინანსებულია),
epn.ge (@expressnews.ge)
