2022-07-20 18:15:08, 1080 ნახვა

---

ვიოლა ფონ კრამონი -ჩვენ დიდი ინვესტიციები ჩავდეთ საქართველოში და გვინდა, რომ ამ ინვესტიციამ შესაბამისი შედეგი გამოიღოს

გვინდა დაგეხმაროთ, რომ თქვენი ევროპული მისწრაფებები ბოლომდე იქნას მიყვანილი. - ამის შესახებ ევროპარალმენტარმა, ვიოლა ფონ კრამონმა საქართველოს პარლამენტში, შალვა პაპუაშვილთან შეხვედრის შემდეგ განაცხადა.

მისივე თქმით, არსებობს კრიტერიუმები და ეს კრიტერიუმები უნდა შესრულდეს.

"ჩვენ, ევროპარლამენტარები, საქართველოს, ქართველი ხალხის მეგობრები ვართ და გვინდა, რომ დაგეხმაროთ იმაში, რომ თქვენი ევროპული მისწრაფებები ბოლომდე იქნას მიყვანილი. თუმცა, მანამდე არსებობს კრიტერიუმები და ეს კრიტერიუმები მაგიდაზე დევს. ჩვენ დიდი ინვესტიციები ჩავდეთ ამ ქვეყანაში, როგორც პირადი, ასევე პოლიტიკური და ფინანსური. რა თქმა უნდა, ჩვენ გვინდა, რომ ამ ინვესტიციამ შესაბამისი შედეგი გამოიღოს". - ნათქვამია განცხადებაში.

შეგახსენებთ, რომ ბოლო დღეების განმავლობაში "ქართული ოცნების" ლიდერები მიზანმიმართულად ცდილობენ საქართველოში ევროპარლამენტარების დისკრედიტაციას, ასევე აღსანიშნავია მმართველი პარტიიდან წასული სამი დეპუტატის - ხუნდაძის, ყაველაშვილისა და სუბარის განცხადებები, რომელიც ასევე მიმართულია ევროინტეგრაციის დისკრედიტაციისკენ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი