ბოლო მონაცემებით, ვინიცას ცენტრზე რუსეთის შეიარაღებული ძალების სარაკეტო იერიშის შედეგად 25 ადამიანი დაშავდა 20 კი დაიღუპა, მათ შორის სამი ბავშვი,- ამის შესახებ ინფორმაციას პრეზიდენტის აპარატის უფროსის მოადგილის კირილ ტიმოშენკო ავრცელებს.

ტიმოშენკოს თქმით, ოკუპანტებმა ვინიცის ცენტრს კალიბრის საკრუიზო რაკეტები დაარტყეს,რომლებიც შავი ზღვის წყალქვეშა ნავიდან გაუშვეს.

"ამ დროისთვის ცნობილია ქალაქზე სარაკეტო თავდასხმის შედეგად დაღუპული 20 ადამიანი, მათ შორის სამი ბავშვი. 90-მა ადამიანმა მიმართა სამედიცინო დაწესებულებებს დახმარებისთვის ", - ნათქვამია ანგარიშში.

სისხლის სამართლის საქმეზე ომის კანონებისა და ჩვეულებების დარღვევასთან დაკავშირებით, წინასწარი გამოძიება ვინიცის საოლქო პროკურატურის საპროცესო ხელმძღვანელობით დაიწყო.

გამოძიება უკრაინის სისხლის სამართლის კოდექსის 438-ე მუხლის მე-2 ნაწილით მიმდინარეობს, რაც დაკავშირებულია განზრახ მკვლელობასთან. 

ამასთან, სამძებრო სამუშაოები ამ დრომდე გრძელდება. შემთხვევის ადგილზე არიან პროკურორები, გამომძიებლები და სასწრაფო დახმარების ბრიგადები.

შეგახსენებთ, რომ დღეს უკრაინის ქალაქ ვინიცაში რადმენიმე აფეთხება მოხდა.

ვინიცას რეგიონალური სახელმწიფო ადმინისტრაციის ხელმძღვანელის სერგეი ბორზოვის ინფორმაციით, რუსულმა ძალებმა რეგიონის თავზე ოთხი რაკეტა ჩამოაგდეს.

მისივე ცნობით, სამი რუსული რაკეტა საოფისე ფართის შენობას მოხვდა. ამასთან დაზიანდა მიმდებარე საცხოვრებელი კორპუსებიც.  

ავტორი: ექსპრესნიუსი,

სოციალური ქსელები

სუს-ში მდინარაძის ყოფილი მოადგილე ფინანსთა სამინისტროს საგამოძიებო სამსახურის უხელმძღვანელებს

10-ჯერ მეტი MR ქულა მაისში - „თეგეტა მოტორსში“ AmEx ბარათით გადახდა უკვე შესაძლებელია

კალაძე აშშ-სთან ურთიერთობის გადატვირთვაზე: კობახიძეს რუბიოსთან სატელეფონო საუბარი ჰქონდა, მაისში დელეგაციასაც ველოდებით, პოზიტიური მოლოდინები გვაქვს

ქუთაისში დაჭრილი კაცი კლინიკაში გარდაიცვალა, ორი პირი დააკავეს